Fyrri mynd
Næsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Húnahornið
Open Menu Close Menu
Húnahornið
Föstudagur, 29. mars 2024
   m/s
C
CW
huni.is - RSS-efnisveita
 
Mars 2024
SMÞMFL
252627282912
3456789
10111213141516
17181920212223
24252627282930
31123456
FyrriNúnaNæsti
Veðurstofa Íslands Vegagerðin
Holtavörðuh. 09:09 0 0°C
Laxárdalsh. 09:09 0 0°C
Vatnsskarð 09:09 0 0°C
Þverárfjall 09:09 0 0°C
Kjalarnes 09:09 0 0°C
Hafnarfjall 09:09 0 0°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
18. ágúst 2023
Okur, íslenska og illgresi
Já komið þið sæl og blessuð. Nöldri er ekki dauður úr öllum æðum þó langt sé um liðið frá síðasta nöldurpistli. Af nógu er að taka í nöldrinu en ég ætla þó aðeins að nefna nokkur atriði að þessu sinni. Fyrst ætla ég að byrja á verðlaginu í Kjörbúðinni okkar hér á Blönduósi.
::Lesa
Leita í netfangaskrá
 
Eftir Inga Heiðmar Jónsson
27. mars 2024
71. þáttur. Eftir Jón Torfason
24. mars 2024
Eftir Inga Heiðmar Jónsson
22. mars 2024
Eftir Bjarna Jónsson
17. mars 2024
Eftir Inga Heiðmar Jónsson
15. mars 2024
Eftir Bjarna Jónsson
11. mars 2024

Senda Húnahorninu fréttaskot

N 65° 39' 32.04" V 20° 16' 55.2"
 Frá:   Til: 
Orðaleit:
 Birta   línur
Fyrri 46-60 61-75 af 80 Næstu 76-80
KlukkanDagsetningFrétt
11:45 18. sep. 2021   Laxveiðitímabilið vonbrigði
Laxveiðitímabilið er að renna sitt skeið þetta árið en flestar húnvetnskar laxveiðiár loka í þessum mánuði. Eins og margoft hefur komið fram í laxveiðifréttum Húnahornsins hefur verið rólegt yfir laxveiðinni í Húnavatnssýslum í sumar. Ágætis aflabrögð hafa þó verið í sumum ám í haust. Mest hefur veiðst í Miðfjarðará eða um 1.600 laxar, sem er svipuð tala og í fyrra. Í Víðidalsá hafa veiðst 630 laxar en lokatölur í fyrra voru 546 laxar. Þetta er í fyrsta skiptið sem veiðin í ánni nær ekki að fara yfir þúsund laxa fimm ár í röð.
11:21 18. sep. 2021   Nýr starfsmaður hjá Textílmiðstöðinni
Tilkynning frá Textílmiðstöð Íslands
Nýr starfsmaður tekur til starfa hjá okkur sem verkefnisstjóri TextílLabs þann 1.október. Hún heitir Margrét Katrín, er Guttormsdóttir og flytur úr borginni hingað til okkar á Blönduós til að leggja okkur lið við uppbyggingu og þróun hjá Textílmiðstöðinni.
10:56 17. sep. 2021   Biskupsbeygjan á Holtavörðuheiði er öll
Opnað var fyrir umferð á nýjum vegarkafla um Heiðarsporð á Holtavörðuheiði í júlí en þar með var kvödd varasöm beygja á Hringveginum sem í daglegu tali er kölluð Biskupsbeygja. „Engum er söknuður að beygjunni sem var stórvarasöm og völd að ófáum slysum í gegnum árin,“ segir á vef Vegagerðarinnar. Verkið snérist um endurbyggingu á 1,8 kílómetra kafla á Hringvegi um Heiðarsporð í sunnanverðri Holtavörðuheiði þar sem hún tekur að lækka í átt að Norðurárdal.
10:05 17. sep. 2021   Verkefni á Norðurlandi vestra fá styrki úr Matvælasjóði
Í vikunni var úthlutað 567 milljónum króna úr Matvælasjóði til 64 verkefna sem eiga uppsprettu vítt og breitt um landið. Hlutverk sjóðsins er að styrkja þróun og nýsköpun við framleiðslu og vinnslu matvæla úr landbúnaðar- og sjávarafurðum. Þetta er í annað sinn sem úthlutað er úr sjóðnum og er hlutur Norðurlands vestra að þessu sinni 14% af heildarúthlutuninni.
09:40 17. sep. 2021   Örkin komin á safnið á Reykjum
Byggðasafni Húnvetninga og Strandamanna á Reykjum í Hrútafirði barst góður gripur í fyrradag þegar Örkin var sett niður á safnasvæðið. Um er að ræða bát í eigu Guðjóns Kristinssonar frá Dröngum en smíðaður af föður hans Kristni Jónssyni. Sagt er frá þessu á vef Feykis. Þar er haft eftir Gunnari Rögnvaldssyni, starfsmanni safnsins, að báturinn hafi verið smíðaður í fjárhúsunum á Seljanesi og tilbúinn árið 1981.
09:32 17. sep. 2021   Frá Sýslumanninum á Norðurlandi vestra
Atkvæðagreiðsla utan kjörfundar vegna kosninga til Alþingis laugardaginn 25. september 2021. Greiða má atkvæði utan kjörfundar á skrifstofum embættisins sem hér segir: Blönduósi, aðalskrifstofu, Hnjúkabyggð 33, Blönduósi, virka daga, kl. 09:00 til 15:00. Sauðárkróki, sýsluskrifstofu, Suðurgötu 1, Sauðárkróki, virka daga, kl. 09:00 til 15:00. Á öðrum stöðum fer utankjörfundaratkvæðagreiðsla fram sem hér segir:
16:09 16. sep. 2021   Fá rými til að vaxa á Norðurlandi
Fréttatilkynning
Fyrstu regnhlífarsamtök nýsköpunar á landsbyggðinni hafa verið sett á laggirnar undir nafninu Norðanátt. Um er að ræða samstarfsverkefni stuðningsaðila í nýsköpunarumhverfinu á Norðurlandi sem miða að því að skapa kraftmikið umhverfi í landsfjórðunginum fyrir nýsköpun. Að verkefninu koma Eimur, SSNV, SSNE, Nýsköpun í norðri og RATA. Norðanáttar leggur áherslu á nýsköpun á sviði sjálfbærni, orku, vatni og mat.
14:48 16. sep. 2021   Framkvæmdir hefjast í hlíðum Spákonufells
Framkvæmdir eru hafnar í hlíðum Spákonufells, ofan þéttbýlisins á Skagaströnd, vegna skógræktarverkefnis Skógræktarinnar og One Tree Planted um gróðursetningu 180 þúsund trjáplantna. Verkefninu á að ljúka haustið 2024 og í kjölfarið vex upp skógur sem meðal annars nýtist íbúum Skagastrandar, nágrönnum þeirra og gestum til útivistar.
14:36 16. sep. 2021   Skoðanakönnun um sameiningarviðræður Skagabyggðar og Skagastrandar
Sveitarstjórnir Skagabyggðar og Sveitarfélagsins Skagastrandar hafa ákveðið að kanna hug íbúa til þess hvort hefja skuli sameiningarviðræður. Hafi íbúar áhuga á að sameiningarviðræður fari fram, er stefnt að því að kosið verði um sameiningu þeirra í byrjun árs 2022 með það fyrir augum að kosið yrði til nýrrar sveitarstjórnar í maí 2022. Áður en til þess kemur myndi fara fram almenn kynning og umræða eins og lög gera ráð fyrir við sameiningarviðræður.
21:27 15. sep. 2021   Tilkynning frá sóknarnefndum Þingeyraklaustursprestakalls
Sóknarprestur sr. Sveinbjörn R. Einarsson hefur verið ráðinn prestur í Garðasókn og er því hættur störfum í Þingeyraklaustursprestakalli. Sóknarnefndirnar þakka sr. Sveinbirni langt og farsælt starf í þágu safnaðarins og óska honum og fjölskyldu hans velfarnaðar á nýjum vettvangi. Sr. Bryndís Valbjarnardóttir á Skagaströnd hefur verið settur sóknarprestur ótímabundið í hlutastarf til að þjóna íbúum prestakallsins.
21:21 15. sep. 2021   Aðstaða til sýningahalds ótrygg í bíósal Félagsheimilisins á Blönduósi
Leikfélag Blönduóss skorar á Blönduósbæ að gera ráð fyrir endurnýjun á bíóstólum og lagfæringu á gólfi í bíósal Félagsheimilisins í fjárhagsáætlun ársins 2022 og bendir á að vel væri hægt að áfangaskipta verkefninu. Leikfélagið áréttar mikilvægi þess að ráðast í verkefnið fyrir menningarlíf og arfleið Blönduósinga. Þetta kemur fram í erindi sem leikfélagið hefur sent Blönduósbæ.
12:25 15. sep. 2021   Framkvæmdir hafnar við stækkun gagnavers Etix Everywhere Borealis á Blönduósi
Framkvæmdir við stækkun gagnavers Etix Everywhere Borealis á Blönduósi eru hafnar. Um er að ræða byggingu á nýju húsi sem hannað er til að hýsa fjölbreyttar þarfir viðskiptavina gagnaversins á öruggan og umhverfisvænan máta. Munu snjallnetslausnir verða nýttar til að tryggja rekstraröryggi og auka nýtni orkuflutnings.
09:14 15. sep. 2021   Tilslakanir á sóttvarnaráðstöfunum
Heilbrigðisráðherra kynnti í gær nýjar tilslakanir á sóttvarnarráðstöfunum sem taka gildi í dag og gilda til 6. október næstkomandi. Almennar fjöldatakmarkanir eru nú 500 manns og á hraðprófsviðburðum allt að 1.500 manns. Á hraðprófsviðburðum verður hægt að hafa standandi gesti enda gæti þeir að eins metra reglu en beri ella grímu. Ekki þarf að viðhafa eins metra fjarlægð eða bera grímu meðan setið er á hraðprófsviðburðum.
23:36 14. sep. 2021   Starfsmaður á rannsóknastofu BioPol
Frá BioPol ehf.
BioPol ehf., Sjávarlíftæknisetur á Skagaströnd óskar eftir að ráða starfsmann á rannsóknastofu félagsins. Umsækjanda er ætlað að sinna fjölbreyttum verkefnum á rannsóknastofu og í Vörusmiðju BioPol ásamt því að hafa umsjón með birgðahaldi, sjá um þrif á glervöru, fatnaði og húsnæði. Starfsstöð umsækjanda verður á Skagaströnd. Starfshlutfall er 70%.
11:15 14. sep. 2021   Skoðanakönnun meðal íbúa Húnavatnshrepps um sameiningarviðræður við Blönduósbæ
Sveitarstjórn Húnavatnshrepps ætlar að gera skoðanakönnun meðal íbúa sveitarfélagsins um hvort hefja eigi sameiningarviðræður við Blönduósbæ. Hafi íbúar áhuga á slíku er stefnt að því að íbúar beggja sveitarfélaga kjósi um sameiningu þeirra í byrjun næsta árs, með það fyrir augum að kosið yrði til nýrrar sveitarstjórnar í maí 2022. Skoðanakönnunin fer fram á sambærilegan hátt og kosningar, en er ekki bindandi.
Fyrri 46-60 1 2 3 4 5 6 Næstu 76-80
 
Prenta Prenta  
 
Til baka
 

©2024 Húnahornið