|
15:15 |
03. maí 2023 |
Fá að mála gangstétt í regnbogalitum að nýju
Á fundi byggðarráðs Húnaþings vestra í gær var lögð fram beiðni frá grunnskóla sveitarfélagsins um að fá að mála að nýju gangstétt í regnbogalitum, sem endurnýjuð var í framkvæmdum nýverið. Einnig var óskað eftir leyfi til að mála framhliðar á tröppum sem liggja frá leiksvæði skóla upp að Kirkjuvegi í regnbogalitum. Byggðarráð samþykkti erindið og þakkaði nemendum og starfsfólki skólans fyrir frumkvæðið við að vekja athygli á fjölbreytileikanum og virðingu fyrir ólíkum einstaklingum með þessum hætti. |
|
14:58 |
02. maí 2023 |
Samfélagsviðurkenningar í Húnaþingi vestra
Samfélagsviðurkenningar voru veittar í Húnaþingi vestra nýverið. Í febrúar kallaði félagsmálaráð eftir tilnefningum frá íbúum sveitarfélagsins um þá aðila sem þeir telja eiga skilið virðingarvott fyrir verk sín eða störf í þágu samfélagsins. Viðurkenningarnar eru veittar annað hvert ár og er þetta í fimmta sinn sem þær eru veittar. Viðurkenningarnar fengu Ingibjörg Jónsdóttir, Handbendi, Ingibjörg Pálsdóttir og Kristín Árnadóttir. |
|
14:46 |
02. maí 2023 |
Starf við þrif hjá Textílmiðstöð Íslands
Textílmiðstöð Íslands, Blönduósi, óskar eftir að ráða starfsmann (geta verið fleiri en einn) frá og með 25. maí nk., við þrif í Kvennaskólanum, Árbraut 33 & 35. Um er að ræða 50% starf. Vinnutími er sveigjanlegur nema í lok hvers mánaðar, því nýir listamenn koma í byrjun hvers mánaðar. Starfsmanni býðst að sækja þau námskeið sem eru í boði í TextílLabinu. |
|
14:43 |
02. maí 2023 |
Blóðbankabíllinn á Blönduósi 10. maí
Blóðbankabíllinn verður opinn fyrir blóðsöfnun á N1 planinu á Blönduósi miðvikudaginn 10. maí næstkomandi frá klukkan 14-17. Blóðbankabíllinn er útibú frá Blóðbankanum og er í honum góð aðstaða til blóðsöfnunar. Bíllinn er bankanum afar mikilvægur til að nálgast nýja blóðgjafa og auðvelda virkum blóðgjöfum að gefa blóð. |
|
07:57 |
02. maí 2023 |
Magnús lætur af stjórnarsetu í Byggðastofnun
Ársfundur Byggðastofnunar fór fram á Húsavík síðastliðinn fimmtudag. Yfirskrift fundarins var Byggðarannsóknir - blómlegar byggðir í krafti þekkingar og voru af því tilefni fluttar kynningar á nokkrum rannsóknarverkefnum sem hlotið hafa styrk frá Byggðastofnun á undanförnum misserum. Magnús B. Jónsson á Skagaströnd hefur verið stjórnarformaður Byggðastofnunar frá því í apríl 2019 en lét af stjórnarsetu á fundinum. |
|
07:04 |
02. maí 2023 |
Boða hækkun afurðaverðs í haust
Kjarnafæði Norðlenska (KN) og dótturfélög þess, Norðlenska matborðið og SAH Afurðir, hafa gefið út lágmarksverð fyrir dilkakjöt á komandi sláturtíð í haust. Verð á innleggi mun hækka að lágmarki um 5% umfram verðlagsþróun frá síðustu sláturtíð. Þetta kemur fram á vef SAH Afurða. Þar segir að miðað við núverandi breytingar á verðlagi frá fyrra ári, ársverðbólgu í mars 2023, sé hækkunin að lágmarki um 15% á meðalverði. |
|
12:26 |
01. maí 2023 |
Vígsluafmæli Blönduóskirkju fagnað
Þrjátíu ára vígsluafmælishátíð Blönduóskirkju fór fram í gær og var hún vel sótt. Hátíðin hófst á messu þar sem sr. Gísli Gunnarsson vígslubiskup prédikaði og sr. Edda Hlíf Hlífarsdóttir þjónaði fyrir altari. Kirkjukór Blönduóskirkju leiddi safnaðarsöng við undirleik Eyþórs Franzsonar Wechner organista. |
|
11:42 |
01. maí 2023 |
Elín og Jóhannes hlutu Landstólpann 2023
Gefa eina milljón í orgelsjóð Blönduóskirkju
Hjónin Elín S. Sigurðardóttir og Jóhannes Torfason á Torfalæk eru handhafar Landstólpans, samfélagsviðurkenningar Byggðastofnunar, sem afhentur var í tólfta sinn á ársfundi stofnunarinnar á Húsavík síðastliðinn fimmtudag. Hugmyndin að baki Landstólpanum er að efla skapandi hugsun og bjartsýni og er því hugsaður sem nokkurs konar hvatningar- og bjartsýnisverðlaun. Í ár bárust sautján tilnefningar og var niðurstaða dómnefndar að veita Elínu og Jóhannesi Landstólpann árið 2023. |
|
08:18 |
01. maí 2023 |
Hátíðarhöld 1. maí í Húnabyggð
Verkalýðsdagurinn verður haldinn hátíðlegur í Húnabyggð 1. maí undir yfirskriftinni réttlæti - jöfnuður - velferð. Dagskráin hefst í Félagsheimilinu á Blönduósi klukkan 15 og verða glæsilegar kaffiveitingar í boði Stéttarfélagsins Samstöðu sem USAH sér um að venju. Ræðumaður dagsins er Þórarinn Sverrisson, formaður Öldunnar stéttarfélags. Boðið verður upp á frábæra tónlist og söng. |
|
07:20 |
30. apr. 2023 |
Afmælishátíð Blönduóskirkju í dag
Í tilefni af 30 ára vígsluafmæli Blönduóskirkju er öllum boðið til afmælishátíðar í kirkjunni í dag. Hátíðarmessa hefst klukkan 13:00. Sr. Gísli Gunnarsson vígslubiskup prédikar, sr. Edda Hlíf Hlífarsdóttir þjónar fyrir altari og kirkjukór Blönduóskirkju leiðir safnaðarsöng við undirleik Eyþórs Franzsonar Wechner, organista. Sr. Magnús Magnússon og sr. Bryndís Valbjarnardóttir lesa ritningarlestra og meðhjálpari er Jón Aðalsteinn Sæbjörnsson. |
|
10:04 |
29. apr. 2023 |
Opnunarteiti Hótels Blönduóss
Nýtt og endurbætt Hótel Blönduós opnar mánudaginn 15. maí næstkomandi og af því tilefni er boðað til opnunarteitis laugardaginn 13. maí klukkan 14-17. „Við erum ótrúlega spennt að sýna ykkur afrakstur framkvæmda síðustu mánuði,“ segir í tilkynningu frá hótelinu. Boðið verður upp á léttar veitingar og lifandi tónlist. Þá verður sýning í gamla bakaríinu Krútt á gömlum myndum frá Blönduósi, í samstarfi við Héraðsskjalasafnið. |
|
09:20 |
29. apr. 2023 |
Fyrsta frumsýning Leikfélags Blönduóss í níu ár
Leikfélag Blönduóss frumsýnir í dag fjölskyldusýninguna Dýrið og Blíða eftir Nicholas Stuart Gray. Sýningin fer fram í Félagsheimilinu á Blönduósi klukkan 15. Ungur og ferskur leikhópur tekur þátt í sýningunni og er það hinn reyndi leikstjóri, Sigurður Líndal sem stýrir hópnum. Þetta er í fyrsta sinn síðan í apríl 2014 sem leikfélagið setur á svið og frumsýnir leikrit og því er eftirvæntingin mikil. |
|
13:15 |
28. apr. 2023 |
Breytt nálgun við útrýmingu riðu
Svandís Svavarsdóttir matvælaráðherra hefur fallist á tillögu yfirdýralæknis um breytta aðferðafræði við útrýmingu riðuveiki. Tillagan hefur verið kynnt í ríkisstjórn, en hún felst í því að markvisst verði unnið að hraðari ræktun riðuþolins sauðfjárstofns á ræktunarsvæðum sem eru skilgreind sem áhættusvæði. |
|
09:41 |
27. apr. 2023 |
Hreinsum til í kringum okkur á sunnudaginn
Stóri plokkdagurinn verður haldinn á sunnudaginn, 30. apríl, og er þetta í sjötta sinn sem hann er haldinn hátíðlegur. Plokk á Íslandi heldur út virkum hópi á Facebook þar sem átta þúsund meðlimir deila myndum af sínu plokki og sinni útivist. Sveitarfélögin Skagaströnd og Húnaþing vestra minna á daginn á heimasíðum sínum og hvetja íbúa til að taka til í nærumhverfi sínu. Á Hvammstanga verður hægt að fá afhenta ruslapoka í Ráðhúsinu klukkan 10-11 og ruslakör verða staðsett á Ráðhúsplaninu fyrir afraksturs plokksins. |
|
14:27 |
26. apr. 2023 |
Menntastefna Húnaþings vestra gefin út
Húnaþing vestra hefur gefið út menntastefnu sveitarfélagsins en hún er afrakstur fjölþættrar samvinnu fag- og hagsmunaaðila á svæðinu. Menntastefnunni er ætlað að vera lifandi stefna sem tekur breytingum í takt við þarfir og lög og reglu hverju sinni. Hún er fyrst og fremst stefnumörkun um framtíðarsýn sveitarfélagsins og út frá henni eru lagðar fram árlegar framkvæmdaáætlanir. |
Til baka
Loka
Prenta
