|
08:40 |
21. ág. 2020 |
Miðfjarðará í efsta sæti sjálfbærra laxveiðiáa
Heldur hefur dregið úr veiði í Miðfjarðará síðustu daga og fór vikuveiðin úr 201 laxi niður í 81 lax. Áin er ennþá í þriðja sæti yfir aflahæstu ár landsins en geta má þess að hún er í efsta sæti yfir þau vatnakerfi sem ekki byggja veiði á seiðasleppingum. Á miðvikudagskvöld höfðu veiðst 1.202 laxar í ánni. Veiðst hafa 502 laxar í Laxá á Ásum og 475 í Blöndu en veiði þar var hætt þegar áin fór á yfirfall. |
|
19:06 |
20. ág. 2020 |
Breytingar á tímaáætlun Húnvetnings vegna Covid-19 og sóttvarna
Frá sameiningarnefndinni
Á fundi framkvæmdaráðs Húnvetnings þann 14. ágúst 2020 var ákveðið að fresta íbúafundum sem fyrirhugaðir voru í sveitarfélögunum fjórum í lok ágúst og byrjun september. Ákvörðunin er tekin með hliðsjón af fjölgun Covid-19 smita í samfélaginu á síðustu vikum og aðgerðum stjórnvalda til að takmarka útbreiðslu veirunnar. |
|
18:59 |
20. ág. 2020 |
Leiðakerfi smáframleiðenda í ágúst
Smáframleiðendur á Norðurlandi vestra og Vörusmiðja BioPol eru á ferðinni í sumar um svæðið á sölubíl en í honum má m.a. finna grænmeti, blóm og bætiefni, krem og kjöt svo eitthvað sé nefnt. Bíllinn verður á Hvammstanga og Borðeyri mánudaginn 24. ágúst, á Hólum og í Varmahlíð 25. ágúst og á Blönduósi og í Víðigerði 26. ágúst. Hann verður svo í Fljótum og á Hofsósi fimmtudaginn 27. ágúst og á Sauðárkróki og Skagaströnd 28. ágúst. |
|
18:45 |
20. ág. 2020 |
SAH Afurðir óska eftir aðstoð í mötuneyti
SAH Afurðir ehf. leitar að aðstoðarmanni í mötuneyti 100% starf. Um er að ræða tímabundið starf frá 1. september til 31. október. Starfs og ábyrgðarsvið: Almenn eldhússtörf, undirbúningur, frágangur, þrif o.fl. Umsóknarfrestur er til og með 25. ágúst næstkomandi. |
|
14:30 |
20. ág. 2020 |
Grunnskólastarf að hefjast
Blönduskóli var settur í dag og kennsla hefst hjá öllum bekkjum á morgun nema hjá 1. bekk. Höfðaskóli verður settur á mánudaginn og Húnavallaskóli á þriðjudaginn. Engin skólasetning verður í Grunnskóla Húnaþings vestra en kennsla hefst þar á mánudaginn. Nemendur byrja á því að hitta umsjónarkennara sinn í heimastofu í klukkustund og svo hefst kennsla samkvæmt stundaskrá. |
|
13:53 |
20. ág. 2020 |
Helstu fjárréttir í Húnavatnssýslum
Bændablaðið hefur tekið saman og birt yfirlit um fjárréttir á landinu í haust, þar á meðal í Húnavatnssýslum. Listinn er eins og fyrri ár unninn með þeim hætti að leitað var til sveitarfélaga, ráðunauta og bænda um upplýsingar. Sökum sóttvarnaráðstafana vegna Covid-19 og fjöldatakmarkana verður gestum ekki heimilt að koma í réttir eins og verið hefur. Þá er mælst til þess að ekki verði haft áfengi um hönd. |
|
15:41 |
19. ág. 2020 |
Göngur og réttir með breyttu sniði í ár
Smalamennska og réttir þetta haustið verður með óvenjulegu sniði í ljósi aðstæðna í samfélaginu. Embætti landlæknis, Landssamtök sauðfjárbænda, Bændasamtök Íslands, Samband íslenskra sveitarfélaga og Almannavarnadeild ríkislögreglustjóra hafa gefið út leiðbeiningar fyrir göngur og réttir, vegna COVID-19. Vegna fjöldatakmarkana er mælst til þess að gestir komi ekki til réttarstarfa og verður því strangt fylgt eftir að við réttarstörf séu ekki fleiri en 100 manns. |
|
11:15 |
19. ág. 2020 |
Nýr viðskiptavefur hjá SKVH
Breytingar hafa verið gerðar hjá Sláturhúsi KVH á Hvammstanga fyrir komandi sláturtíð. Í stað þess að senda út vigtarseðla og afreikninga hefur nýr viðskiptavefur verið settur upp þar sem innleggjendur og aðrir viðskiptamenn sláturhússins geta skráð sig inn með rafrænum skilríkjum eða Íslykli og nálgast öll sín gögn þar. |
|
08:32 |
19. ág. 2020 |
Gæsaveiðitímabilið að hefjast
Veiðitímabil á grágæs og heiðagæs hefst á morgun, 20. ágúst og stendur til 15. mars. Algengt er að veiðimenn bíði með gæsaveiði þar til í september ekki síst í ljósi þess að þá er einnig heimilt að hefja veiðar á þeim andategundum sem veiddar eru. Fjöldi veiðimanna fer hins vegar til veiða fyrstu dagana, sérstaklega þeir sem veiða heiðagæsir. |
|
10:52 |
18. ág. 2020 |
Tilraun gerð með opnun þrektækjasalarins á Hvammstanga
Þrektækjasalurinn í Íþróttamiðstöð Húnaþings vestra opnaði að nýju á föstudaginn en með breyttu sniði vegna hertra sóttvarnarreglna. Á vef Húnaþings vestra kemur fram að salurinn sé opinn í eina og hálfa klukkustund í senn svo er lokað í þrjátíu mínútur á milli vegna þrifa. Einungis fimm notendur mega vera í salnum í senn og skýrt er kveðið á um að gestir skuli halda tveggja metra millibili. |
|
15:54 |
17. ág. 2020 |
Skorað á sjávarútvegsráðherra að grípa til aðgerða vegna strandveiða
Sveitarfélagið Skagaströnd skorar á sjávarútvegsráðherra að grípa til aðgerða til þess að tryggja öllum strandveiðibátum tólf leyfilega veiðidaga í ágúst. Þetta kemur fram í bókun sem sveitarstjórn samþykkti á fundi sínum í síðustu viku. Í henni segir að fyrirséð sé að heildarafli sem ætlaður hafi verið til strandveiða muni klárast á næstu dögum með þeim afleiðingum að veiðar fjölda báta um allt land stöðvist. |
|
15:37 |
17. ág. 2020 |
Ákveðið að fjárfesta í nýjum slökkvibíl
Slökkvilið Skagastrandar ætlar að fjárfesta í nýjum slökkvibíl. Á sveitarstjórnarfundi Skagastrandar í síðustu viku var lagt fram tilboð frá fyrirtækinu Feuerwehrtechnik Berlin í bifreið af tegundinni Man TGM. Bíllinn er með 3.000 lítra vatnstank og 300 lítra froðutank ásamt því að vera búin öllum helsta búnaði sem nauðsynlegur er til slökkvistarfa. Bíllinn kostar um 35 milljónir króna og var sveitarstjóra falið að ganga frá samningi um kaupin. |
|
11:46 |
17. ág. 2020 |
Ekkert staðfest smit á Norðurlandi vesta
Enginn er í einangrun vegna kórónuveirunnar á Norðurlandi vestra en einn er í sóttkví, samkvæmt nýjum upplýsingum á vefnum covid.is. Síðustu tvær vikur hefur einn verið skráður í einangrun og mest voru 15 í sóttkví. Á landinu öllu eru nú 116 í einangrun og 528 í sóttkví. Flestir eru á höfuðborgarsvæðinu eða 77 í einangrun og 376 í sóttkví. Staðfest kórónuveirusmit er í öllum landshlutum nema á Norðurlandi vestra. |
|
11:27 |
17. ág. 2020 |
Norðurlands Jakinn um helgina
Norðurlands Jakinn er aflraunakeppni sterkustu manna landsins sem fer fram á Norðurlandi um næstu helgi eða dagana 22. og 23. ágúst og er hún í anda Vestfjarðarvíkingsins. Keppt verður í sex greinum í nokkrum bæjarfélögum á Norðurlandi, m.a. á Hvammstanga og Skagaströnd. Aðgangur er ókeypis og er almenningur hvattur til að mæta og sjá sterkustu menn landsins sýna krafta sína. |
Til baka
Loka
Prenta
