22:42 |
17. des. 2020 |
Blómasölu Styrktarsjóðs Austur Húnvetninga frestað fram á nýtt ár
Tilkynning frá stjórn
Blómasölu Styrkarsjóðs Austur Húnvetninga sem vera átti á Þorláksmessu í anddyri Kjörbúðarinnar á Blönduósi hefur verið frestað fram á næsta ár sökum aðstæðna í þjóðfélaginu í kjörfar Covid-19 faraldursins. |
16:48 |
17. des. 2020 |
Fyrirkomulag heimsókna á HSN um aðventu og yfir jólahátíðina
Tilkynning frá HSN
Fyrirkomulag heimsókna á hjúkrunar- og sjúkradeildum HSN á aðventu og yfir jólahátíðina verður sem hér segir og tekur gildi frá og með 17. desember 2020. |
15:41 |
17. des. 2020 |
Fjárhagsáætlanir Skagastrandar samþykktar
Sveitarfélagið Skagaströnd verður rekið með 57 milljón króna tapi á næsta ári, samkvæmt fjárhagsáætlun þess sem samþykkt var á sveitarstjórnarfundi á þriðjudaginn. Heildartekjur eru áætlaðar 706 milljónir, þar af eru skatttekjur 483 milljónir og rekstrartekjur 223 milljónir. Rekstrargjöld eru áætluð 757 milljónir, þar af er launakostnaður 347 milljónir. Fjármagnsliðir eru áætlaðir jákvæðir um 6 milljónir. Í fjárhagsáætlun áranna 2022-2024 er gert ráð fyrir jákvæðri rekstrarniðurstöðu öll ári. |
15:02 |
17. des. 2020 |
Kosning um Mann ársins 2020 hjá Feyki
Feykir stendur fyrir kjöri á manni ársins á Norðurlandi vestra líkt og gert hefur verið undanfarin ár. Íbúum á svæðinu og öðrum lesendum Feykis gefst kostur á að velja úr hópi þeirra sem tilnefndir voru af lesendum. Í þetta skiptið bárust tilnefningar um sjö einstaklinga. Hægt verður að greiða atkvæði á vefnum Feyki.is eða senda atkvæði í pósti á Feykir, Borgarflöt 1, 550 Sauðárkrókur. Kosningin er hafin og lýkur á miðnætti á nýársdag, 1. janúar. |
11:05 |
17. des. 2020 |
Íslenskir vettlingar - ný bók til sölu í Heimilisiðnaðarsafninu
Frá Heimilisiðnaðarsafninu
Á dögunum kom út bókin Íslenskir vettlingar sem inniheldur 25 nýjar útfærslur á gömlum mynstrum. Höfundur bókarinnar er Guðrún Hannele Henttinen og útgefandi er Vaka-Helgafell, sem er hluti af Forlaginu ehf. Allar uppskriftirnar í bókinni byggja á vettlingum sem varðveittir eru í Heimilisiðnaðarsafninu. Er þessi útgáfa enn eitt dæmið um hvernig munir í Heimilisiðnaðarsafninu verða að yrkisefni höfunda, hönnuða og listamanna við nýja listsköpun. |
09:10 |
17. des. 2020 |
Síðustu forvöð að panta Listagjöf
Umsóknarfrestur til að panta Listagjöf fyrir ástvin rennur út í dag. Allt að 750 gjafir eru í boði og verða þær afhentar um helgina. Hver listagjöf er um það bil fimm til tíu mínútna flutningur á tónlist, dansi eða ljóðalestri frá mörgu af okkar allra besta listafólki. Sá eða sú sem bókar gjöfina sér til þess að viðtakandinn verði heima þegar gjöfin verður afhent og tekur að auki á móti listamanninum. |
15:37 |
16. des. 2020 |
Húnaþing vestra fær 5 milljónir frá Orkusjóði
Orkusjóður hefur úthlutað Húnaþingi vestra 5 milljón króna styrk til uppsetningar á hleðslustöð á Hvammstanga. Styrkurinn er veittur í flokki innviðastyrkja fyrir vistvæn ökutæki við opinbera staði. Alls veitti Orkusjóður 192 milljónir í styrki nýverið til 55 verkefna í orkuskiptum en sótt var um 482 milljónir til 76 verkefna. Flest verkefnin styðja við áframhaldandi rafvæðingu bílaflotans. |
12:20 |
16. des. 2020 |
Jólapóstur á Skagaströnd
Á Skagaströnd hafa náðst samningar við þá jólasveinabræður sem eru væntanlegir til byggða á Þorláksmessu til að bera út pakka og bréf. Þeir taka ekki annað í mál en að gæta sóttvarna og verða að sjálfsögðu með grímur og hanska. Þeir sem vilja nýta sér þjónustu jólasveinanna geta hitt umboðsmenn þeirra við kennarainngang Höfðaskóla mánudaginn 21. desember klukkan 18-20. |
12:00 |
16. des. 2020 |
Bikblæðingarnar minnka verulega
Ástandið mun betra í gærkvöldi og í morgun
Bikblæðingar eru mun minni á leiðinni Borgarnes - Akureyri í dag miðvikudag en þær hafa verið, að því er fram kemur á vef Vegagerðarinnar. Ástandið fór strax að lagast í gær, síðdegis, og er mun betra nú fyrir hádegi. Vegagerðin hefur þó áhyggjur af að ástandið gæti versnað með hækkandi hitastigi þegar líður á daginn og fylgist grannt með ástandinu. |
10:05 |
16. des. 2020 |
Sammála um að skerða ekki þjónustu og halda framkvæmdum áfram eins og mögulegt er
Sveitarstjórn Blönduósbær samþykkti í gær fjárhagsáætlun sveitarfélagsins fyrir árið 2021, sem og þriggja ára áætlun 2022-2024. Fjárhagsáætlunin gerir ráð fyrir neikvæðri rekstrarniðurstöðu á næsta ári upp á 96 milljónir kóna. Heildartekjur eru áætlaðar 1.283 milljónir og rekstrargjöld 1.322 milljónir. Gert er ráð fyrir að fjármagnsliðir verði neikvæðir um 57 milljónir. Fjárfestingar á næsta ári eru áætlaðar 136 milljónir og ber þar hæst framkvæmdir við Blönduskóla. |
09:47 |
16. des. 2020 |
Hugsum hærra í janúar
Ráðgjafafyrirtækið Senza, Samtök sveitarfélaga á Norðurlandi vestra og Vestfjarðarstofa standa fyrir hraðlinum Hugsum hærra fyrir fyrirtæki á Vestfjörðum og Norðurlandi vestra. Í hraðlinum fá starfandi fyrirtæki sem vilja hugsa hærra aðstoð við að vinna fjárfestakynningar, móta stefnu og ramma inn viðskiptaáætlun. Sérstök áhersla er að styrkja fyrirtæki í gerð umsókna í nýsköpunarsjóði. |
14:50 |
15. des. 2020 |
Miklar hitasveiflur valda bikblæðingum
Vegagerðin hvetur fólk að fresta för sinni ef kostur er
Vegagerðin segir að bikblæðingar sem eru nú á þjóðvegi 1 frá Borgarfirði og norður í Skagafjörð séu tilkomnar vegna mikilla sveiflna í hitafari síðustu daga. Verði vegfarendur fyrir tjóni vegna þeirra, eða hafi orðið fyrir tjóni, sé best að fylla út tjónaskýrslu á vef Vegagerðarinnar. Þeir sem ekki hafa aðgang að rafrænum skilríkjum geta fyllt út eyðublað Vegagerðarinnar með lýsingu á atvikinu. |
14:22 |
15. des. 2020 |
Íbúum Húnavatnssýslna fjölgaði um 27
Íbúum í Húnavatnssýslum fjölgaði um 27 á tímabilinu 1. desember 2019 til 1. desember 2020. Mest var fjölgunin á Blönduósi. Íbúafjöldinn þar fór úr 942 í 957, fjölgun um 15 íbúa eða um 1,6%. Mæst mest fjölgaði í Húnaþingi vestra en þar fór fjöldinn úr 1.210 í 1219 á tímabilinu, fjölgun um 9 íbúa eða um 0,7%. Íbúum Skagastrandar fjölgaði úr 473 í 475 eða um tvo á tímabilinu, sem er sama fjölgun og í Skagabyggð en þar fór fjöldinn úr 90 íbúum í 92. |
12:25 |
15. des. 2020 |
Smáframleiðendur á ferðinni
Smáframleiðendur á Norðurlandi vestra, í samstarfi við Vörusmiðjuna BioPol, eru á ferðinni í Húnavatnssýslum þessa vikuna. Í dag er sölubíllinn á Skagaströnd og Blönduósi og á fimmtudaginn verður hann á Borðeyri og Hvammstanga. Hægt er að kynna sér áætlun bílsins og vöruúrval nánar á Facebooksíðu Vörusmiðjunnar Biopol og einnig geta þeir sem þess óska pantað vörur í netverslun Vörusmiðjunnar og fengið afhent á viðkomustöðum bílsins. |
09:12 |
15. des. 2020 |
Milljónatjón á bílum vegna tjörublæðinga
Lögreglan á Norðurlandi vestra vekur athygli á miklum tjörublæðingum frá Borgarfirði og norður um land. Í tilkynningu sem send var út í gærkvöldi segir að tjón hafi orðið á bifreiðum og eitt umferðaóhapp megi rekja til blæðinganna. Ökumenn eru beðnir um að aka varlega, fylgjast með hjólbörðum bifreiða sinna og jafnframt að sýna annarri umferð tillitssemi. |