13:04 |
15. mars 2021 |
Hacking Norðurland
Nýsköpunarviðburðurinn Hacking Norðurland fer fram dagana 15. - 18. apríl og er ætlað að virkja skapandi og lausnamiðaða hugsun og styðja við nýsköpun og fjölgun atvinnutækifæra á svæðinu. Viðburðurinn er samstarfsverkefni Hacking Hekla, Eims, Samtaka sveitarfélaga á Norðurlandi vestra, Samtaka sveitarfélaga á Norðurlandi eystra, Nýsköpunar í Norðri og Nordic Food in Tourism. |
09:34 |
15. mars 2021 |
Skráning í Ullarþon fram úr björtustu vonum
Textílmiðstöð Íslands og Nýsköpunarmiðstöð Íslands halda Ullarþon daganna 25. - 29. mars næstkomandi. Verkefnið er styrkt af Framleiðnisjóði Landbúnaðarins. Skráning hefur farið fram úr björtustu vonum og enn er hægt að skrá sig, að því er segir í tilkynningu.
Ullarþon er nýsköpunarkeppni haldin á netinu til að ýta undir nýsköpun og vöruþróun, auka verðmæti ullarinnar og þá sérstaklega verðminnstu ullarflokkanna. |
09:18 |
13. mars 2021 |
Húsfriðunarsjóður úthlutar styrkjum
9,8 milljónir til Húnavatnssýslna
Úthlutað hefur verið úr húsfriðunarsjóði fyrir árið 2021. Fjöldi umsókna var 361 og hafa aldrei borist fleiri umsóknir. Veittir voru 240 styrkri að þessu sinni. Úthlutað var 305.000.000 kr., en sótt var um rétt ríflega 1,5 milljarð króna. Í flokknum friðlýstar kirkjur fékk Holtastaðakirkja í Langadal 3,5 milljón og Undirfellskirkja í Vatnsdal 2,3 milljónir. |
12:06 |
12. mars 2021 |
Um 170 manns gistu á Laugarbakka í nótt
Rúmlega 170 manns gistu á Laugarbakka í nótt eftir að vörubíll lokaði þjóðvegi 1 við Hvammstanga og voru flestir á Hótel Laugarbakka, sem var opnað í snatri. Opnuð var fjöldahjálparstöð í félagsheimilinu á Laugarbakka og þar voru á bilinu 10-20 manns. Á Hvammstanga gistu 15 manns. Flutningabíll hafði runnið til á veginum og sat hann fastur þvert yfir veginn. |
10:45 |
12. mars 2021 |
Umhverfisakademía á Húnavöllum
Skipaður hefur verið starfshópur sem móta á hugmyndir um stofnun umhverfisakademíu með aðsetur á Húnavöllum. Hugmyndin var kynnt og rædd á fundi samstarfsnefndar um sameiningu sveitarfélaga í Austur-Húnavatnssýslu í síðasta mánuði. Starfshópurinn á einnig ætlað að leggja mat á hugsanlegan kostnað og kortleggja mögulega samstarfsaðila. |
09:49 |
12. mars 2021 |
Búið að opna veginn við Hvammstangaafleggjarann
Búið er að opna þjóðveg 1 austan við Hvammstangaafleggjara þar sem flutningabílar þveruðu veginn. Vegurinn um Þverárfjall er aftur á móti ófær vegna veðurs. Vetrarfærð er í flestum landshlutum og skafrenningur víða á Norðurlandi. Snjóþekja og skafrenningu er á fjallvegum og á Öxnadalsheiði er flutningabíll fastur á heiðinni. Þar komast minni bílar framhjá en ekki stærri bílar. Nánari upplýsingar fá sjá á vef Vegagerðarinnar. |
07:11 |
12. mars 2021 |
Þjóðvegur 1 lokaður við Hvammstanga
Vonskuveður hefur verið í Húnavatnssýslum og í gær lokað lögregla þjóðvegi 1 fyrir sunnan Hvammstanga fyrir umferð norður og einnig við Blönduós fyrir umferð suður. Holtavörðuheiði var einnig lokað. Björgunarsveitir frá Skagaströnd, Hvammstanga, Blönduósi og Búðardal voru kallaðar út til að aðstoða ökumenn sem lentu í vandræðum. Þjóðvegur 1 er enn lokaður við Hvammstangaafleggjarann vegna flutningabíla sem þvera veginn. Beðið er með aðgerðir vegna veðurs en það mun skána þegar líður á daginn. |
14:46 |
11. mars 2021 |
Leit Fuglaverndar að Fugli ársins 2021 er hafin
Fuglar eru hluti af daglegu lífi fólks, flestir eiga sinn uppáhalds fugl og hverjum þykir sinn fugl fagur. Í vetur hafa staðfuglar og vetrargestir glatt landsmenn með nærveru sinni en nú nálgast vorið og farfuglarnir fara að tínast til Íslands. Fuglavernd ætlar að fagna vorkomunni með kosningu á Fugli ársins 2021 og verður sigurvegarinn kynntur með fjaðrafoki og látum á sumardaginn fyrsta. |
11:01 |
11. mars 2021 |
Yfir þúsund skammtar af bóluefni í þessari viku
Alls bárust Heilbrigðisstofnun Norðurlands í þessari viku 880 skammtar af AstraZeneca bóluefninu og 240 skammtar af Pfizer bóluefninu. Pfizer bóluefnið er notað til að klára fyrri bólusetningu hjá þeim sem eftir eru í hópi 80 ára og eldri og fyrri bólusetningu hjá heilbrigðisstarfsmönnum sem eru eldri en 65 ára. Þá er haldið áfram að bólusetja eldri íbúa eftir því sem bóluefnið berst og meginreglan er að bólusetja þá elstu fyrst. |
09:21 |
11. mars 2021 |
Skólahald á Blönduósi fellur niður í dag
Leiðindaveður og ófærð er nú í Húnavatnssýslum þar sem gengur á með hvössum vindi, stórhríð, skafrenningi og kulda. Holtavörðuheiði er lokuð og ekkert ferðaveður er víða. Blönduskóli og leikskólinn Barnabær á Blönduósi verða lokaðir í dag. Gul veðurviðvörun er í gildi til klukkan 16 í dag og fer veðrið þá að ganga niður. Á morgun má þó búast við norðan 13-20 m/s og snjókomu eða slyddu og að hiti verði nálægt frostmarki. |
16:26 |
10. mars 2021 |
Nafn vantar á skrifstofusetur á Hvammstanga
Bráðlega opnar skrifstofusetur á Hvammstanga í húsnæði Landsbankans á Höfðabraut 6. Þar verður boðið upp á skrifstofuaðstöðu fyrir þá sem vinna störf án staðsetningar og aðra þá sem þurfa á vinnuaðstöðu að halda. Skrifstofur Samtaka sveitarfélaga á Norðurlandi vestra munu flytjast í húsnæðið. Á vef samtakanna er auglýst eftir nafni á húsnæðis sem er lýsandi fyrir starfsemina, og ekki er verra að það tengist með einhverjum hætti héraðinu. |
16:13 |
10. mars 2021 |
Auglýst eftir aðilum í fjáröflun
Menningar-, íþrótta-, og tómstundafulltrúi Blönduósbæjar auglýsir á vef sveitarfélagsins eftir félagasamtökum eða einstaklingum sem hafa áhuga á að vera með fjáröflun í formi sölu á viðburðum hjá Blönduósbæ í sumar. Viðburðir eins og 17. júní og Húnavaka eru nefndir en bæjarhátíðin verður haldin 15.-18. júlí. |
15:59 |
10. mars 2021 |
Sveitarstjórnir hvattar til þess að nýta sér ekki heimild í lögum
Á rafrænum íbúafundum um sameiningu sveitarfélaga í Austur-Húnavatnssýslu komu fram spurningar um hvað gerist ef íbúar í einu sveitarfélagi fella sameiningartillöguna, sem stefnt er að því að kjósa um 5. júní í sumar. Á fundi samstarfsnefndarinnar í síðustu viku var fjallað um málið og ákvað nefndin að leggja það til við sveitarstjórnir að þær lýstu því yfir, áður en til sameiningarkosninga kemur, að þær myndu ekki nýta svokallaða 2/3 heimild í sveitarstjórnarlögunum, komi til þess að sameiningartillagan verði samþykkt af íbúum í hluta sveitarfélaganna, nema að undangengnu samráði við íbúa. |
16:44 |
09. mars 2021 |
Stöðnun er ekki valkostur
Seinni rafræni íbúafundurinn um sameiningarviðræður sveitarfélaga í Austur-Húnavatnssýslu fór fram á laugardaginn. Um 25 manns tóku þátt í fundinum og um 30 fylgdust með honum í streymi. Á fyrri fundinum sem fór fram miðvikudaginn 3. mars voru þátttakendur og áhorfendur rúmlega 200 talsins. Á fundinum á laugardaginn kom fram að umræða um sameininguna á meðal íbúa sé að aukast og að frekari upplýsingagjöf sé mikilvæg, sérstaklega meðal ungs fólks. |
15:59 |
09. mars 2021 |
Húnavatnshreppur fékk styrk úr Framkvæmdasjóði ferðamannastaða
Húnavatnshreppur fékk í dag úthlutað 51,5 milljón króna úr Framkvæmdasjóði ferðamannastaða. Styrkurinn er vegna Þrístapa verkefnisins og á að nýtast í aðkomusvæði, bílastæði, stígagerð og fræðsluskilti. Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, og Guðmundur Ingi Guðbrandsson, umhverfis- og auðlindaráðherra, gerðu í dag grein fyrir úthlutun fjármuna til uppbyggingu innviða, náttúruverndar og annarra verkefna á ferðamannastöðum árið 2021. |