|
09:56 |
17. ág. 2016 |
Landsbyggðin fyrir alla
Eftir Rúnar Gíslason
Þó að, með því að gefa kost á mér í eitt af efstu sætunum í komandi prófkjöri VG, sé ég í raun að sækja um innivinnu í miðbæ Reykjavíkur, þá eru það málefni landsbyggðarinnar sem mest brenna á mér. Betri samgöngur, betra heilbrigðiskerfi og ljósleiðari hringinn í kringum landið eru þau mál sem ég vil setja í algjöran forgang. Þetta eru málefni landsbyggðarinnar ekki síður en höfuðborgarsvæðisins. |
|
18:26 |
07. ág. 2016 |
Stökuspjall - Sál mín þyrst í ljóð og list
Eftir Inga Heiðmar Jónsson
Hræddist ekki græðgisgný, glott né yggling brúnar – þar til lögðust unnir í, efstu sigluhúnar, orti Miðfirðingurinn Sigurður Gíslason eftir annan skáldmæltan Húnvetning, Jón S. Bergmann sem ól aldur sinn suður í Hafnarfirði, út á sjó, við kennslu o.fl. Kristleifur Þorsteinsson frá Húsafelli, hinn snjalli borgfirski fræðaþulur segir frá Húnvetningum í söguritinu Troðningar og tóftarbrot. Þar nefnir hann niðja Húsafellsbræðra.
|
|
16:47 |
05. ág. 2016 |
Að sækja vatnið yfir bæjarlækinn
Eftir Bjarna Jónsson
Heilbrigðismálin eru í brennidepli. Undirskriftasöfnunin Endurreisum heilbrigðiskerfið, þar sem tæp 87 þúsund manns hafa ritað nafn sitt undir, sýnir ótvírætt að landsmenn vilja heilbrigðismálin í forgang. Áhersla þeirrar undirskriftasöfnunar var einkum á byggingu nýs Landspítala og á sérhæfða læknisþjónustu. Það skiptir máli fyrir alla landsmenn að góð sérhæfð læknisþjónusta á samfélagslegum grunni sé til staðar á þjóðarsjúkrahúsi í Reykjavík sem allir landsmenn geta gengið að. |
|
13:18 |
05. ág. 2016 |
Býð mig fram í forvali VG
Eftir Lilju Rafneyju Magnúsdóttur
Ég býð mig fram í forvali VG og gef kost á mér til að leiða áfram lista VG í Norðvesturkjördæmi. Þau sjö ár sem ég hef setið á Alþingi hafa verið miklir og lærdómsríkir umbrotatímar í lífi þjóðarinnar. Sú reynsla sem ég hef hlotið á þessum tíma hefur nýst mér vel og mun ég nota hana áfram eins og hingað til á uppbyggilegan hátt í baráttunni fyrir réttlátara samfélagi fyrir alla. |
|
20:07 |
18. júl. 2016 |
Vinnubrögð sem nýja Ísland vill ekki
Eftir Valdimar Guðmannsson
Fimmtudaginn 14 júlí s.l. undirritaði ég blað sem eigandi jarðarinnar Bakkakot í Blönduósbæ. Ég er ekki stoltur af þessari undirskrift, en með henni samþykkti ég að lagður yrði nýr strengur fyrir ljósleiðara gegnum land Bakkakots,ekki vegna þess að ég sjái eftir landinu fyrir strenginn, heldur sem skattgreiðandi til ríkisins og Blönduósbæjar. |
|
14:14 |
18. júl. 2016 |
Stökuspjall: Að læra af þeim sem lífsins tónum náðu
Eftir Inga Heiðmar Jónsson
Það styttist í tveggja ára afmæli vísnavefsins og nú skal hafa það ráð að tína fram nokkrar tévísur, Þorleifur frá Hjallalandi orti: Til að binda endi á, allt sem myndar trega,
fáðu í skyndi foldagná, fríða og yndislega. Vígþór frá Hellu, skólastjóri á Hólmavík og Varmalandi yrkir: Til að mennta sig þarf mannsins ríka vilja, í menntun felst að temja sig og skilja, og læra af þeim sem lífsins tónum náðu og líka þeim sem sannleiksgildin skráðu. En umfram allt þú virðir vitund þína og verðugt ljós þitt öðrum nái að skína.
|
|
09:20 |
06. júl. 2016 |
Stökuspjall – Undir penna sestur
Eftir Inga Heiðmar Jónsson
Björtustu dagar ársins eru að sigla inn í sumardýrðina og Sigrún frá Litladal rabbar við vorið í nýju ljóðabókinni sinni: Loksins sé ég ljóma þinn og litlu grænu spor finnurðu ekki fögnuð minn feimna ljósa vor. Komdu og vektu vallarblóm vötnin silfurblá kveiktu í lofti klukknahljóm kalla úr moldu strá. Allri heimsins fuglafjöld fagna undurhljótt vertu hjá mér eina öld unga, bjarta nótt. |
|
14:52 |
30. jún. 2016 |
Velkomin heim að Hólum
Eftir Bjarna Jónsson
Með stolti og gleði bjóða Skagfirðingar Landsmót hestamanna 2016 velkomið heim að Hólum. Skagafjarðarsýsla keypti Hóla 1881 og stofnaði þar bændaskóla á hinu forna biskups- og menntasetri Norðlendinga um aldir. Fyrir mig sjálfan er þessi stóratburður, Landsmót hestamanna heima á Hólum einkar ánægjulegur. Ég minnist þess þegar ég fluttist með foreldrum mínum og fjölskyldu til Hóla síðla sumars 1981 og bjuggum við þar öll næstu 20 árin en ég lengur. |
|
19:54 |
30. maí 2016 |
Tollasamningur sem ógnar byggð og atvinnuöryggi
Eftir Lilju Rafneyju Magnúsdóttur
Búvörusamningur og tollasamningurinn við Evrópusambandið eru til umfjöllunar í nefndum Alþingis. Hægt er að gagnrýna báða þessa samninga út frá mörgum sjónarmiðum. Eins og komið hefur fram hefur tollasamningurinn ekki verið unninn í neinu samráði við bændur, aðra hagsmunaaðila, neytendur eða aðra flokka en þá flokka sem sitja í ríkisstjórn. |
|
15:34 |
25. maí 2016 |
Aðgerðir í þágu heimilanna
Eftir Elsu Láru Arnardóttur
Í morgun fór fram opinn fundur um húsnæðismál. Þar voru húsnæðisfrumvörp félags – og húsnæðismálaráðherra til umræðu. Á fundinum fór undirrituð yfir þær breytingar sem nefndarmenn velferðarnefndar hefur gert á frumvörpunum og almennt yfir stöðu málanna í nefndinni. Fundurinn var afar vel sóttur og hægt er að segja að sú góða mæting hafi svo sannarlega verið hvatning til að halda áfram að vinna vel að húsnæðismálunum. |
|
16:29 |
16. maí 2016 |
Stökuspjall: Vatn í læk og á
Eftir Inga Heiðmar Jónsson
Nú er hljótt um haf og rótt. Hjúpar nóttin engi. Ég hef sótt mér sælugnótt á sumaróttu lengi. Vorkoma hefur lengi verið vinsæl yrkisefni og sýnist muni verða, en vísuna hér að ofan orti Skarphéðinn Bjarnason Neðra-Vatnshorni. Þórarinn á Skúfi kvað hringhendu af sama tilefni: Fjall úr híði hraðar sér, hvamma prýði skorið. Ó, það bíður eftir þér, yndis blíða vorið. |
|
16:37 |
14. maí 2016 |
Stórt skref til framtíðar
Eftir Elsu Láru Arnardóttur
Uppbygging á 2300 leiguíbúðum er rétt handan við hornið en önnur umræða um frumvarp um almennar félagsíbúðir fór fram á Alþingi í vikunni. Þessi mikilvæga uppbygging er því rétt handan við hornið. Þetta er ein sú mesta uppbygging sem verið hefur á leigumarkaði frá árinu 1965 eða þegar Breiðholtið var byggt. |
|
21:13 |
05. maí 2016 |
Pælingar um álver
Eftir Hrafnhildi Unu Þórðardóttur
Álverið á Hafursstöðum hefur verið á vörum margra undanfarna mánuði og eru skoðanir manna misjafnar. Umræðan um þetta málefni síðasta sumar var í þá átt að ég hélt að þetta væri klappað og klárt og að fyrsta skóflustungan væri á næsta leiti. En þegar ég fór að kynna mér málið nánar komst ég að því að svo er ekki raunin. |
|
10:23 |
01. maí 2016 |
Landsnet verði í samfélagseigu
Eftir Bjarna Jónsson
Dreifikerfi raforku er ein af grunnstoðum samfélagsins eins og vegakerfið til ferðalaga og flutninga. Markmið með öflugu dreifikerfi rafmagns um landið er fyrst og fremst að veita einstaklingum, heimilum og atvinnulífinu ódýra, góða og örugga þjónustu á jafnréttisgrunni. Til þess að fara með svokallaða eignarhluti í þessu almannaþjónustufyrirtæki sem síðan fékk nafnið Landsnet voru hlutirnir skráðir á orkuframleiðslufyrirtækin í landinu sem voru alfarið í opinberri eigu. |
|
09:15 |
26. apr. 2016 |
Lausamenn í Húnaþingi á tímum vistarbands
Eftir Inga Heiðmar Jónsson
Lausamenn í Húnaþingi á tímum vistarbands verður efni fyrirlesturs dr. Vilhelms Vilhelmssonar á Blönduósi lau. 30.4 kl. 14. Fyrirlesturinn mun fjalla um stöðu og hlutverk lausamanna í íslensku samfélagi á fyrri hluta 19. aldar, þegar tilvist þeirra var svo gott sem alfarið bönnuð. Tekin verða dæmi um fólk sem dæmt var fyrir lausamennsku í Húnaþingi og mál þeirra reifuð. |
Til baka
Loka
Prenta
