Fyrri mynd
Nsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Hnahornið
Open Menu Close Menu
Hnahornið
Fimmtudagur, 28. mars 2024
   m/s
C
CW
huni.is - RSS-efnisveita
 
Mars 2024
SMÞMFL
252627282912
3456789
10111213141516
17181920212223
24252627282930
31123456
FyrriNúnaNæsti
Veðurstofa Íslands Vegagerðin
Holtavörðuh. 13:06 0 0°C
Laxárdalsh. 13:06 0 0°C
Vatnsskarð 13:06 0 0°C
Þverárfjall 13:06 0 0°C
Kjalarnes 13:06 0 0°C
Hafnarfjall 13:06 0 0°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
18. ágúst 2023
Okur, íslenska og illgresi
Já komið þið sæl og blessuð. Nöldri er ekki dauður úr öllum æðum þó langt sé um liðið frá síðasta nöldurpistli. Af nógu er að taka í nöldrinu en ég ætla þó aðeins að nefna nokkur atriði að þessu sinni. Fyrst ætla ég að byrja á verðlaginu í Kjörbúðinni okkar hér á Blönduósi.
::Lesa
Leita í netfangaskrá
 
Eftir Inga Heiðmar Jónsson
27. mars 2024
71. þáttur. Eftir Jón Torfason
24. mars 2024
Eftir Inga Heiðmar Jónsson
22. mars 2024
Eftir Bjarna Jónsson
17. mars 2024
Eftir Inga Heiðmar Jónsson
15. mars 2024
Eftir Bjarna Jónsson
11. mars 2024
Úr Austur-Húnavatnssýslu
Úr Austur-Húnavatnssýslu
Pistlar | 11. desember 2015 - kl. 14:44
Stökuspjall - Svellar að skörum
Eftir Inga Heiðmar Jónsson

Að gera sér með gestum kátt
í glaumi og söng er hérna vandi,
og með þeim ríða um miðjan slátt.
Margt er skrítið á Norðurlandi.

Til þessara vísu Þorsteins Erlingssonar seilist stökusafnarinn í dag, hún er ort til að þakka Brynjólfi í Þverárdal vinskap og veislu. Vísast er að einhverjir iðjusamir nágrannar hafi hneykslast á Brynjólfi þegar hann henti frá sér orfi og reipum til syngja með og fagna góðum gesti. Steinunn kona hans, systir Erlendar frá Mörk, rithöfundarins góða, hafði vanist vinnusemi í uppeldi sínu og frekar auðvelt er að setja sig í spor hennar að una því lítt að inni sé setið við söng og spil meðan sólin skín og flekkirnir þorna. En mikill fjársjóður er saga Erlendar bróður hennar, skrifuð vestur í Kanada um hríðarnar upp á Laxárdal og stúlkuna hans sem hann sá fyrst á leiksýningu á Krók og sækja má þangað ótal myndir til af harðri lífsbaráttu fyrir einni öld þó löngunin til að skrifa, fræða og tengja lifði af. Erlendur á Mörk segir „að þó að ánægjulegt væri að hugsa til jólanna vegna kertanna, spilanna, jólasveinanna og alls sælgætisins þá gat þó ýmislegt skyggt á ánægju. Til dæmis hugsunin og kvíðinn að lenda í jólakettinum ef maður fékk enga nýja flík fyrir jólin, en ævinlega var stritast við að koma því svo fyrir að enginn krakki lenti í kettinum.“

Húnvetningar og aðrir áhugamenn um sögu þurfa að eiga þessa bók upp í skápnum sínum.

Skáldin á Laxárdal eiga góða fulltrúa á vísnavefnum eins og Rósberg og Elivoga-Svein, Sveinn kvað um hlíðina ofan við Refsstaði:

Skiptin átta eru tíð, 
auðnan fátt mér léði, 
en þegar ég átti þessa hlíð 
þá var kátt í geði.

Svo keypti hann reyndar aftur Refsstaði. Brynjólfur bjó líka á Refsstöðum en fluttist 1888 að Þverárdal og þá lét móðir hans, Hildur Bjarnadóttir Thorarensen byggja baðstofa sem var fimm stafgólf og hvelfing í henni. Þessir afkomendur Bjarna skálds í húnvetnsku dölunum fengust lítt við ljóðasmíð en héldu sannarlega uppi allri risnu og höfðu allgóð metorð. Hreppstjóratignin var þó ekki á lausu, en Guðmundur Erlendsson bóndi í Mjóadal hélt um þá tauma og síðar Stefán tengdasonur hans á Gili. Kona hans, Elísabet á Gili, hafði miklar mætur á Brynjólfi og stóð fyrir merkri samkomu í Bólstaðarhlíðarkirkju til minningar um þennan nágranna sinn. Snúum aftur í hlíðar skáldanna. Rósberg skrifaði á ljóðabók og setti í hendur vinar síns:

Þú, sem dáir dagsins glóð,
draumabláar vökur,
þiggðu frá mér þessi ljóð,
þessar fáu stökur. RGS

Eitt af skáldum dalsins, Guðríður Bjargey, bjó myndarbúi í 30 ár í næsta dal þar sem Blanda rann í gili sínu en Guðríður hefur á efri árum sínum tekið sér bólstað suðaustan undir hlíðum Tindastóls, saumar þar listilegar myndir af elfunni í Blöndudal og yrkir um hrímið:

Svellar að skörum, sölnar stör
svifar í förin hrímið.
Styttast svörin, stirðna kjör
staðnar á vörum rímið. GBH  

Ingi Heiðmar Jónsson

Vitnað er til:
Þorsteins Erlingssonar: http://bragi.info/hunafloi/visur.php?VID=26060
Erlendur Guðmundsson: Heima og heiman Rv. 2002
Sveinn Hannesson Refsstöðum: http://bragi.info/hunafloi/visur.php?VID=5725
Rósberg G. Snædal: http://bragi.info/hunafloi/visur.php?VID=24623
Guðríður B. Helgadóttir: http://bragi.info/hunafloi/visur.php?VID=24707

Eldra stökuspjall:
Mjallar fríða trafið: http://www.huni.is/index.php?cid=12398
Kalda vatnið kemur mér upp: http://www.huni.is/index.php?pid=32&cid=12381
Stjarnlaus nóttin: http://www.huni.is/index.php?pid=32&cid=12367
Rennur saman haf og himinn: http://www.huni.is/index.php?cid=12328
Stutt eða löng töf: http://www.huni.is/index.php?cid=12272
Kjarval málar http://www.huni.is/index.php?cid=12221
Einmitt slík var – móðir þín http://www.huni.is/index.php?pid=32&cid=12203
Heiðin magnar seið: http://www.huni.is/index.php?cid=12180
Útsunnan við mána: http://www.huni.is/index.php?cid=12129
Drottning Húnaflóa: http://www.huni.is/index.php?cid=12080

 

Höf. rzg
 
Prenta Prenta  
 
Til baka
 

©2024 Húnahornið