Skiptar skoðanir eru um nýtt kjarasamkomulag milli Landssambands slökkviliðs- og sjúkraflutningamanna og ríkisins. Sjúkraflutningamenn í hlutastarfi á Blönduósi hafa ekki dregið uppsagnir til baka og einn þeirra er hættur, að því er fram kom í hádegisfréttum Ríkisútvarpsins í dag.

Ã� föstudag náðist samkomulag í kjaradeilu ríkisins og sjúkraflutningamanna í hlutastarfi. Samkomulagið var sagt marka tímamót, því í fyrsta sinn væru allir sjúkraflutningamenn á landinu með kjarasamning. Þórður Pálsson, sjúkraflutningamaður á Blönduósi sagði í viðtali í hádegisfréttum Ríkisútvarpsins í dag þetta ekki rétt. Einungis sé um samkomulag að ræða sem sjúkraflutningamenn séu ekki allir ánægðir með. 

„Ã� fyrsta lagi að þetta er ekki kjarasamningur og þess vegna fylgja ekki öll þau réttindi sem kjarasamningum fylgja. Síðan var ekki kosið um samninginn og engin hækkun á bakvakt á dagvinnutíma þannig að það er lítið greitt fyrir það. Ã� sjálfu sér erum við á sömu launum og við vorum á áður, það er bara reiknað öðruvísi út,“ sagði Þórður. Hann er í hópi þeirra sex sjúkraflutningamanna á Blönduósi sem sögðu upp störfum í apríl. Hann sagði óvíst hversu margir þeirra dragi uppsagnirnar til baka.

„Einn hefur gefið það út að hann sé hættur, annar mun hætta einhvern tímann síðar í sumar. Menn eru að melta þetta með sér svona, eða reikna þetta út hvað þeir ætla að gera, hvort þeir ætla að halda áfram eða hætta þessu bara,“ sagði Þórður í samtal við Ríkisútvarpið.