Elín Jóna formaður byggðarráðs, Erla og Ína Björk úr dómnefndinni ásamt Sólrúnu og Mikael, Pétri og Ármanni syni Péturs. Ljósm. hunathing.is
Fréttir | 04. ágúst 2017 - kl. 14:09
Umhverfisviðurkenningar Húnaþings vestra 2017 voru veittar á fjölskyldudegi bæjarhátíðarinnar Elds í Húnaþingi laugardaginn 29. júlí síðastliðinn. Strandgata 2 á Hvammstanga fékk viðurkenningu fyrir fallega og snyrtilega einkalóð. Í umsögn dómnefndar segir að lóðin sé byggð á gömlum grunni, þar sem fléttist saman gamall trjágróður og ýmsar nýjungar og nútíma þægindi. Eigendur eru Sólrún Guðfinna Rafnsdóttir og Mikael Þór Björnsson.
Neðri-Torfustaðir í Miðfirði fékk viðurkenningu fyrir vel hirt sveitabýli. Í umsögn dómnefndar segir að þar séu mannvirki vel máluð og ásýndin og umhverfið snyrtilegt og stílhreint. Tvíbýlt er á jörðinni en sameiginlegur búskapur. Eigendurnir er annars vegar Bjarney ALda Benediktsdóttir og Pétur Hafsteinn Sigurvaldason og hins vegar Benedikt Björnsson og Heiðrún Brynja Guðmundsdóttir.
Sagt er frá þessu á vef Húnaþings vestra og þar segir að viðurkenningarnar beri þessum aðilum vitni um atorku og umhyggju fyrir fallegu og snyrtilegu umhverfi.