Fréttir | 10. nóvember 2017 - kl. 13:37
Næstu þrjá miðvikudaga, 15., 22. og 29. nóvember fara fram síðdegisfundir í Húnabúð, Skeifunni 11 í Reykjavík. Miðvikudaginn 15. nóvember segir Tómas R. Einarsson tónskáld frá afa sínum og ömmu á Blönduósi, fer með ljóð og vísur eftir þau og flytur tónlist af diskum og myndskjá. Miðvikudaginn 22. nóvember fjallar dr. Vilhelm Vilhelmsson um nýja bók sína, Sjálfstætt fólk – Vistarband og íslenskt samfélag á 19. öld. Miðvikudaginn 29. nóvember lesa nokkrir ljóðaunnendur ljóð og segja sögur.
Allir fundirnir hefjast klukkan 17:00. Aðgangseyrir er 1.000 krónur og kaffiveitingar í fundarlok.
Dagskrá:
Miðvikudaginn 15.11 kl. 17:00
Tómas R. Einarsson tónskáld segir frá afa sínum og nafna og ömmu á Blönduósi, fer með ljóð og vísur eftir þau og flytur tónlist af diskum og myndskjá.
Miðvikudaginn 22.11 kl. 17:00
dr. Vilhelm Vilhelmsson fjallar um nýja bók sína, Sjálfstætt fólk: Vistarband og íslenskt samfélag á 19. öld.
Miðvikudaginn 29.11 kl. 17:00
Hvar er ljóðið mitt? Nokkrir ljóðaunnendur lesa ljóð og segja sögur.
Sigrún Haraldsdóttir frá Litladal les ljóð sín. Sigríður Árnadóttir flytur stuttan þátt um
Þóru Jónsdóttur prestsfrú á Auðkúlu.
Ingimar Halldórsson og Ólína Þorvarðardóttir kveða vísur að norðan.