Júdófélagið Pardus á Blönduósi stóð fyrir æfingabúðum í júdó um síðustu helgi þar sem iðkendur frá júdódeildum Tindastóls og UMF Selfoss komu í heimsókn. Um fimmtíu júdóiðkendur og þjálfarar tóku þátt í æfingabúðunum, sem voru sambland af júdóæfingum og afþreyingu utan æfingatíma. Sagt er frá þessu á vef Tindastóls og er Pardusi hrósað fyrir gestrisni og vel lukkaðar æfingabúðir.

Á vef Tindastóls má sjá myndir frá æfingabúðunum.