Myndarlegur borgarísjaki er nú skammt frá landi í Húnaflóa eða rétt um fimm kílómetra norðan Skagastrandar. Líklega er ísjakinn strandaður rétt út frá bænum Bakka. Jón Haukur Daníelsson birti mynd af jakanum í gær á Facebook síðunni Bakland ferðaþjónustunnar. Þá var jakinn um átta kílómetra norðan Skagastrandar á leið inn flóann. Í morgun setti hann inn nýja mynd og var þá jakinn kominn nær landi og telur Jón Haukur hann vera strandaðan. Á myndinni má sjá að brotnað hefur úr honum.