Skemmtilegar nýjungar hafa litið dagsins ljós í Héraðsbókasafni Austur-Húnavatnssýslu að Hnjúkabyggð 30 á Blönduósi. Eins og sjá má á meðfylgjandi myndum er kominn nýr sófi, nýjar bókahillur og nýtt lesherbergi fyrir unglinga. Bókasafnið er rekið af tveimur sveitarfélögum, Húnavatnshreppi og Blönduósbæ. Í því eru skráð um 20 þúsund bindi og árlega er keypt mikið af bókum og tímaritum. Aðgangur að safninu er öllum opinn.