Framkvæmdir eru nokkrar á Blönduósi þessa dagana en nýlega reis fyrsta gagnaverið og í næstu viku er áætlað að steypa grunn að næsta húsi. Þá eru tvö einbýlishús í byggingu og ein skemma. Þá eru framkvæmdir að nýju iðnaðarhúsnæði hafnar við Ennisbraut.

Malbikunarframkvæmdir eru langt komnar á Blönduósi en malbikunarflokkurinn kom á staðinn í síðustu viku eftir að hafa klárar malbikunarframkvæmdir á Skagaströnd. Búið er að leggja malbik víða um staðinn en í vikunni verður klárað að leggja malbik á götur og plön vítt og breytt um bæinn. Gaman verður að fara á rúntinn næstu daga þegar framkvæmdum verður lokið.

Fréttaritari fór á rúntinn í gær og í dag og smellti af nokkrum myndum.