Félagsheimilið Hvammstanga. Ljósm: hunathing.is
Fréttir | 21. mars 2019 - kl. 10:24
Í dag verður haldinn upplýsinga- og umræðufundur fyrir eldri borgara (60+) og aðstandendur, í Félagsheimilinu á Hvammstanga klukkan 17-19. Á dagskrá er kynning um þjónustu fyrir eldri borgara í Húnaþingi vestra og kynningar frá Tryggingastofnun, Sjúkratryggingum, Félagi eldri borgara og Heimsóknarvinum. Þá verður erindi um geðheilsurækt á efri árum.
Dagskrá:
Kynningar um þjónustu fyrir eldri borgara í Húnþingi vestra
Kynningar frá Tryggingastofnun og Sjúkratryggingum Íslands, Félagi eldri borgara og Heimsóknarvinum
Hlé, boðið upp á molakaffi, ýmis hjálpartæki verða til sýnis
Erindi um geðheilsurækt á efri árum, Sofia Krantz, sálfræðingur
Fyrirspurnir og umræður