Í gær og í dag hefur verið sérlega hlýtt í veðri í Húnavatnssýslum. Hitastigið hefur náð allt að 16 stigum sem þýðir meðal annars að snjór bráðnar hratt og vatn vex í ám og lækjum. Meðfylgjandi mynd, sem Björn Viggó í Ási tók síðdegis í dag við Undirfellsrétt í Vatnsdal, fékk Húnahornið senda frá Einari K. Jónssyni, sveitarstjóra Húnavatnshrepps. Eins og sjá má flæðir Vatnsdalsá yfir bakka sína og umlykur vatnið Fellsbúð.