Blanda opnaði í morgun fyrir laxveiði og kom fyrsti laxinn á land klukkan 07:20. Veiðimaðurinn var Brynjar Þór Hreggviðsson og var laxinn 78 sentímetra löng hrygna, grálúsug. Henni var sleppt eftir átökin en veiðistaðurinn var Dammurinn að sunnanverðu. Eftir fyrsta klukkutímann höfðu veiðst þrír laxar. Vatnsskortur hefur verið að valda laxveiðimönnum áhyggjum á Vestanverðu landinu en því er ekki að heilsa í Blöndu.