Fréttir | 13. júní 2019 - kl. 15:13
HátÃðardagskrá á Hvammstanga 17. júnÃ
Hátíðarhöld verða á Hvammstanga á mánudaginn í tilefni þjóðhátíðardagsins 17. júní. Búið er að setja saman fjölbreytta dagskrá fyrir alla aldurshópa. Dagurinn verður tekinn snemma með dorgveiðikeppni við Norðurbryggju. Klukkan 11 er þjóðhátíðarmessa í Staðarbakkakirkju með söngfólki úr kórum héraðsins. Klukkan 14 hefst skrúðganga frá íþróttarhúsinu að skólanum þar sem nemendur í 9. bekk grunnskólans sjá um hátíðarkaffi og grill og andlitsmálning verður í boði samhliða því.
Hoppkastali verður á svæðinu og leikir fyrir krakkana. Dagskráin mun enda með tónleikum fyrir eldri borgara á sjúkrastofnuninni.
Dagskrána 17. júní á Hvammstanga:
Klukkan 10-12:00
Frítt í sund fyrir alla.
Klukkan 10-11:00
Dorgveiðikeppni við Norðurbryggju, skráning á staðnum frá 9:30. Börn í fylgd forráðamanna og muna að taka stöngina sína með.
Klukkan 11:00
Þjóðhátíðarmessa í Staðarbakkakirkju með söngfólki úr kórum héraðsins. Organisti er Pálína F. Skúladóttir og prestur Sr. Guðni Þór Ólafsson. Á eftir verður kaffi undir kirkjuvegg í boði staðarfólks og eru gestir hvattir til að viðra þjóðbúninginn.
Klukkan 14-16:00
Skrúðganga, leidd af söngfólki héraðsins frá íþróttarhúsi að grunnskólanum á Hvammstanga með viðkomu á sjúkrastofnuninni. Hátíðarræða og fjallkona við grunnskólann. Nemendur í 9. bekk verða með hátíðarkaffi og grillsölu sem og öðrum hátíðarvarningi. Hoppkastali og sprell fyrir börnin og nýbúarnir okkar frá Sýrlandi verða með kynningu á sér og sinni menningu.
Klukkan 16-17:00
Ingimar Oddsson flytur hjartnæmustu lög 20. aldar fyrir eldri-borgara á sjúkrastofnun Hvammstanga.
Krakkar eru hvattir til að finna íslenska fánann heima eða föndra