Fréttir | 23. júní 2019 - kl. 22:04
Opna Fiskmarkaðsmótið, sem jafnframt er minningarmót um Karl Berndsen, var haldið á Háagerðisvelli á Skagaströnd í gær. Alls voru þátttakendur 26 talsins sem spiluðu 18 holur í afbragðsveðri. Jón Jóhannsson úr Golfklúbbunum ÓS sigraði í punktakeppni með og án forgjafar. Ingibergur Guðmundsson úr Golfklúbbi Skagastrandar var í öðru sæti í punktakeppni með forgjöf og Ólafur Árni Þorbergsson úr Golfklúbbi Sauðárkróks varð í öðru sæti í punktakeppni án forgjafar.
Úrslit urðu sem hér segir:
Punktakeppni með forgjöf:
- Jón Jóhannsson GÓS
- Ingibergur Guðmundsson GSK
- Ásmundur Baldvinsson GSS
Punktakeppni án forgjafar:
- Jón Jóhannsson GÓS
- Ólafur Árni Þorbergsson GSS
- Árný Lilja Árnadóttir GSS