Sameiginlegur starfsdagur leikskólanna í Húnavatnssýslum og Strandabyggð var haldinn í Húnavallaskóla síðastliðinn föstudag. Markaði hann upphaf að þróunarverkefni skólanna sem nefnist Færni til framtíðar. Í upphafi verkefnisins er áhersla lögð á að kynna hugmyndafræði jákvæðrar sálfræði fyrir starfsfólki skólanna og hvernig hægt er að nýta hana bæði í starfi og einkalífi.

Markmiðið er að starfsfólk öðlist aukna færni í að vinna með mannlega hegðun og hafa áhrif á börn og nærumhverfi.

Sagt er frá þessu á vef Húnaþings vestra. Þar kemur fram að á starfsdeginum hafi nokkrir frábærir fyrirlestrar mætt og haldið erindi. Áhersla þeirra hafi verið á að kenna hvernig hægt sé að ná fram því besta í hverjum og einum og hvernig það hjálpar öllum í samskiptum.