Veturinn er formlega farinn af stað samkvæmt dagatalinu en fyrsti vetrardagur var í gær. Veturinn hefur heilsað með norðanátt, frosti, snjókomu og éljagangi undanfarna daga í Austur-Húnavatnssýslu og víða er snjóþekja eins og sjá má á meðfylgjandi myndum sem Róbert Daníel Jónsson og Magnús B. Jónsson tóku. Mynd Róberts er tekin við bæinn Hnjúk í Vatnsdal en mynd Magnúsar er tekin við Syðri-Hól en þar hefur snjóflóð fallið úr Núpnum.