Mikill snjór er á Blönduósi eftir óveðrið í gær. Sumir bæjarbúar tala um að ekki hafi sést eins mikill snjór í bænum síðan 1995. Ófært var um göturnar í morgun á bílum en unnið er hörðum höndum við að moka helstu götur og horfir allt til betri vega, í bókstaflegri merkingu. Ennþá er hálfgert garg í veðrinu en ekki í neinni líkingu við það sem var í gær. Eins og sjá má á meðfylgjandi myndum sem Róbert Daníel Jónsson og fleiri tóku er alvöru vetur kominn á Blönduós og ekki þörf á meiri jólasnjó.

Húnahornið auglýsir hér með eftir fleiri myndum af snjónum í Húnavatnssýslum. Vinsamlegast sendið okkur myndir á netfangið huni@huni.is.