Sveitarstjórn Skagastrandar lét færa til bókar, á sveitarstjórnarfundi sínum í dag, þakkir til allra viðbragðsaðila sem tryggðu öryggi íbúa og komu í veg fyrir stórfellt eignatjón í sveitarfélaginu í veðurhamnum sem gekk yfir landið síðustu daga. Íbúum er einnig hrósað fyrir góðan frágang á lausamunum þar sem ekki sé vitað til þess að nokkurt tjón hafi orðið af völdum foks.