Frá afhendingu gjafabréfsins.
Sjúkraþjálfarar ásamt stjórnarmönnum og Ásdísi við æfingartækið.
Meðferðarbekkurinn.
Sjúkraþjálfararnir Angela, Lisa, Christine og Ásdís Adda.
Fréttir | 12. janúar 2020 - kl. 09:57
Hollvinasamtök Heilbrigðisstofnunarinnar á Blönduósi byrjuðu nýja árið á því að afhenda formlega HSN á Blönduósi nýjan meðferðarbekk og æfingatæki að andvirði kr. 974.396. Tækin sem þegar eru komin í notkun eru staðsett í aðstöðu sjúkraþjálfara, en við Húnvetningar erum svo lánsamir að hafa fjóra velmenntaða sjúkraþjálfara við stofnunina.
Þeir hafa stórbætt aðstöðuna og nú vantar bara að koma sundlauginni aftur í gagnið. Og það þarf að gerast.
Hollvinasamtökin verða 15 ára á árinu, en þau voru stofnuð 19. apríl 2005.
Við þurfum nauðsynlega að fjölga félögum, því árgjöldin eru okkar eina fasta tekjulind.
Hægt verður að fylla út eyðublöð á biðstofu og hjá sjúkraþjálfurum eftir næstu viku eða hringja í síma 452-4324 eða 680-6013 hjá formanni.
Á fyrstu myndinni eru stjórnarmennirnir Guðmundur Finnbogason, Sigurlaug Þóra Hermannsdóttir, Kári Kárason og Ásdís Arinbjarnardóttir yfirhjúkrunarfræðingur HSB sem tók á móti gjafabréfinu. Vegna veðurs vantaði tvo stjórnarmenn, Jóhann Guðmundsson og Sigríði Stefánsdóttur.