Árleg Söngvarakeppni Grunnskóla Húnaþings vestra fór fram um miðjan mánuðinn og var umsjónarmaður hennar Valdimar Gunnlaugsson. Fimmtán hæfileikaríkir nemendur í 16 atriðum tóku þátt og mætti Landinn á RÚV á svæðið, tók upp keppnina og viðtöl við nemendur. „Metnaðarfull og skemmtileg kvöldstund sem skipuleggjandi, nemendur og hljómsveit eiga mikið hrós skilið fyrir,“ segir á vef Grunnskóla Húnaþings vestra. Þar má sjá myndir frá keppninni.

Hljómsveitarmeðlimir voru:
Guðmundur Hólmar Jónsson gítar og hljómsveitarstjóri, Sigurvald Ívar Helgason trommur, Aðalsteinn Grétar Guðmundsson hljómborð, Valdimar Gunnlaugsson bassi og Guðmundur Grétar Magnússon á gítar.

Úrslit 4-7.bekkur:

1. sæti Ísey Lilja með lagið Six feet under með Billie Eilish.
2. sæti Valdís Freyja með lagið Lifandi vatnið eftir Ásgeir Trausta.
3. sæti Arna Ísabella og Steinunn Daníella með lagið Líf.

Frumlegasti flutningurinn Ástvaldur Máni með lagið Gangsta's Paradise með Coolio.

Úrslit 8-10.bekkur:

1. sæti Ásdís Aþena með lagið When I was your man með Bruno Mars.

Frumlegasta lagið: Guðmundur Grétar og Ásdís Aþena með frumsamið lag eftir Guðmund Grétar.