112 dagurinn var haldinn um land allt í gær. Á Blönduósi hittust viðbragðsaðilar á svæðinu við lögreglustöðina og fóru þaðan í hópakstur um bæinn. Áhugasamir gátu svo skoðað tækin og annan búnað að hópakstri loknum. Þar var Hauki Eldjárn Gunnarssyni, nemanda í Blönduskóla, veitt verðlaun fyrir þátttöku og rétt svör í eldvarnargetraun sem nemendur í þriðja bekk Blönduskóla og Húnavallaskóla tóku þátt í, eftir árlegt eldvarnarátak.

Á Facebook síðu Brunavarna A-Hún. eru þakkir færðar öllum þeim sem tóku þátt og lögðu leið sína á viðburðinn, en hann heppnaðist einstaklega vel. Meðfylgjandi myndi tók róbert Daníel Jónsson.