Fyrri mynd
Nćsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Húnahornið
Open Menu Close Menu
Húnahornið
Miðvikudagur, 21. október 2020
SSA  4 m/s
2.6°C
Olís
huni.is - RSS-efnisveita
 
Október 2020
SMÞMFL
27282930123
45678910
11121314151617
18192021222324
25262728293031
FyrriNúnaNæsti
Veðurstofa Íslands
Blönduós 09:00 SSA 4  3°C
Þverárfjall 09:00 Logn 0  -1°C
Vatnsskarð 09:00 SSA 5  -1°C
Brúsastaðir 09:00 ASA 4  3°C
Holtavörðuh 09:00 SSV 5  -0°C
Laxárdalshe 09:00 SSV 3  2°C
Reykir í Hr 09:00 NA 2  3°C
Reykjavík 09:00 A 2  2°C
Akureyri - 09:00 S 1  -1°C
Egilsstaðaf 09:00 ASA 2  -6°C
Vegagerðin
Holtavörðuh. 09:40 SSV 7 -0°C
Laxárdalsh. 09:40 SSV 2 2°C
Vatnsskarð 09:40 SSA 5 -1°C
Þverárfjall 09:40 ANA 1 -1°C
Kjalarnes 09:40 A 6 2°C
Hafnarfjall 09:40 SA 8 4°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
06. september 2020
Sumri hallar hausta fer
Ljúft, en um margt óvenjulegt sumar er senn á enda runnið og veturinn farinn að minna á sig með hvíta fjallatoppa. Ennþá getum við þó vonast eftir fallegum sólskinsdögum ef við erum heppin.
::Lesa

SSNV

Leita í netfangaskrá
 
Eftir Guðjón S. Brjánsson
19. október 2020
Eftir Sigurbjörn Þorkelsson
18. október 2020
Eftir Inga Heiðmar Jónsson
16. október 2020
Eftir Sigurbjörn Þorkelsson
12. október 2020
Eftir Inga Heiðmar Jónsson
10. október 2020
Eftir Guðjón S. Brjánsson
05. október 2020
Eftir Vífil Karlsson hjá Samtökum sveitarfélaga á Vesturlandi
29. september 2020
Eftir Sigurbjörn Þorkelsson
25. september 2020
Fréttir | 22. september 2020 - kl. 14:39
Meirihluti bænda hefur áhuga á ullarræktun

Í skýrslu Félagsvísindastofnunar Háskóla Íslands, sem unnin var fyrir Textílmiðstöð Íslands, þar sem kannað er viðhorf sauðfjárbænda til ullarræktunar og hvernig hægt sé að auka verðmæti hennar, kemur fram að rúmlega helmingur svarenda hefur mjög eða frekar mikinn áhuga á ullarræktu en 18% höfðu frekar lítinn eða mjög lítinn áhuga. Könnunin náði til 1.080 búa eða allra sauðfjárbænda 18 ára og eldri með bú skráð í Landssamtök sauðfjárbænda um allt land. Svarhlutfall var 53%.

Í skýrslunni kemur fram að langflestir svarenda skiluðu ull af búinu til Ístex og flokkuðu ullina samkvæmt flokkunarkerfi Ístex. Um 11% fannst mjög eða frekar vel borgað fyrir kíló af fyrsta flokks hvítri ull hjá Ístex. Um 69% svarenda fannst ásættanlegt verð fyrir kíló af fyrsta flokks hvítri ull liggja á bilinu 500 til 1100 kr.

Lítil heimavinnsla á ull stunduð á bæjum
Um 22% svarenda höfðu mjög eða frekar mikinn áhuga á heimavinnslu á ull, en 87% sögðu enga heimavinnslu á íslenskri ull vera stundaða á bænum. Þau sem stunduðu heimavinnslu á ull voru spurð hvort að ullin sem notuð væri í heimavinnslu kæmi af búinu eða væri keypt. Rúmlega helmingur sagði alla ull koma frá búinu. Um helmingur þeirra sem sögðu að heimavinnsla væri stunduð á bænum sögðust sinna henni sjálfir og svipað hlutfall nefndi eiginkonu/sambýliskonu. Þar sem heimavinnsla var stunduð var algengast að prjónaskapur eða hekl væri selt frá bænum (16 svarendur) eða þæfð ull (7 svarendur).

Talsverður áhugi á að þróa sameiginlega vefverslun
Um 42% svarenda höfðu mjög eða frekar mikinn áhuga á að láta spinna sérstakt band úr ullinni sem væri hægt að rekja til búsins. Þegar spurt var hversu mikinn eða lítinn áhuga svarendur hefðu á því að taka þátt í að þróa sameiginlega vefverslun fyrir íslenska ull og ullarvörur í samstarfi við Textílmiðstöðina kom í ljós að 34% höfðu mikinn eða frekar mikinn áhuga á slíku. Þá var spurt hvað væri sanngjörn álagning á vörur þeirra í vefverslun og 87% svarenda taldi sanngjarna álagninu vera á bilinu lægri en 30% til 60%, en um 13% töldu sanngjarna álagningu vera hærri en 60%.

Mikilvægt að ullarframleiðslan sé umhverfisvæn
Spurt var um viðhorf til náttúruvænnar ullarframleiðslu. Miklum meirihluta, eða 90%, fannst mjög eða frekar mikilvægt að ullarframleiðsla á Íslandi væri umhverfisvæn. Þegar spurt var hvað ætti að einkenna umhverfisvæna íslenska ullarframleiðslu merktu 79% við að bandið/ullin væri 100% íslensk og 74% að ullarvinnsla færi öll fram á Íslandi. Um 30% höfðu mjög eða frekar miklar áhyggjur af umhverfisáhrifum af textílframleiðslu í heiminum og svipað hlutfall eða 34% höfðu mjög eða frekar litlar áhyggjur.

Bændur vilja læra meira um meðferð ullar
Þegar sauðfjárbændur voru spurðir hvort þeir hefðu áhuga á að auka þekkingu sína á ákveðnum sviðum sem viðkoma ull og ullarræktun kom fram nokkur dreifing á svörum þeirra. Algengast var þó að fólk hefði áhuga á að læra meira um meðferð ullar við og eftir rúning (56%) og ræktun fjár með ullargæði í huga (53%). Í lokin voru bændur spurðir í opinni spurningu hvar þeir teldu helstu möguleika sauðfjárbænda liggja í að auka verðmæti ullarinnar og komu nokkur meginþemu fram. Fram kom að margir töldu helstu möguleika liggja í að vanda betur til verka við ullarvinnslu heima fyrir, þar á meðal við rúning og fjárræktun, aðrir töldu möguleikana liggja í aukinni markaðssetningu og vöruþróun á ull og ullarvörum og enn aðrir í breyttum viðskiptaháttum með ull.

Skýrsluna má lesa hér.

 

Höf. rzg
 
Prenta Prenta  
 
Til baka
 
Húsfrúin
04. febrúar 2020
Róbinson Krúsó meðferðin
Við getum flest verið sammála um að jákvæð hugsun sé forsenda þess að samþykkja það að jákvæðni auki líkurnar á skilningi og að skilningur sé ein helsta breytan í góðum mannlegum samskiptum.
::Lesa
Spaugið
04. febrúar 2020
Sherlock og Watson
Sherlock Holmes og Dr. Watson fóru í útilegu. Eftir að hafa gætt sér á góðum mat og drukkið flösku af víni, bjuggu þeir um sig og fóru að sofa.
::Lesa

©2020 Húnahornið