Fyrri mynd
Nsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Hnahornið
Open Menu Close Menu
Hnahornið
Föstudagur, 29. mars 2024
   m/s
C
CW
huni.is - RSS-efnisveita
 
Mars 2024
SMÞMFL
252627282912
3456789
10111213141516
17181920212223
24252627282930
31123456
FyrriNúnaNæsti
Veðurstofa Íslands Vegagerðin
Holtavörðuh. 11:22 0 0°C
Laxárdalsh. 11:22 0 0°C
Vatnsskarð 11:22 0 0°C
Þverárfjall 11:22 0 0°C
Kjalarnes 11:22 0 0°C
Hafnarfjall 11:22 0 0°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
18. ágúst 2023
Okur, íslenska og illgresi
Já komið þið sæl og blessuð. Nöldri er ekki dauður úr öllum æðum þó langt sé um liðið frá síðasta nöldurpistli. Af nógu er að taka í nöldrinu en ég ætla þó aðeins að nefna nokkur atriði að þessu sinni. Fyrst ætla ég að byrja á verðlaginu í Kjörbúðinni okkar hér á Blönduósi.
::Lesa
Leita í netfangaskrá
 
Eftir Inga Heiðmar Jónsson
27. mars 2024
71. þáttur. Eftir Jón Torfason
24. mars 2024
Eftir Inga Heiðmar Jónsson
22. mars 2024
Eftir Bjarna Jónsson
17. mars 2024
Eftir Inga Heiðmar Jónsson
15. mars 2024
Eftir Bjarna Jónsson
11. mars 2024
Ljósm: Ljósmyndasafn Skagastrandar
Ljósm: Ljósmyndasafn Skagastrandar
Pistlar | 16. nóvember 2020 - kl. 13:25
Stökuspjall: Bláleit fjöll í geislalaugum

Hver, sem ekki á í sjóð
æskubjarta daga
getur aldrei ljúflingsljóð
leikið á hörpu Braga.

Yrkir svo Angantýr Jónsson á Skagaströnd fyrsta skáld sem birtist á síðum Húnvetningaljóða. Hann var fæddur í Bólstaðarhlíð vorið 1910 þar sem foreldrar hans, Guðrún Árnadóttir frá Lundi og Jón Þorfinnsson voru að hefja saman vegferð sína.

Ljóðunum var safnað af Húnvetningum á Akureyri og gefin út 1955.

Næstur í skáldaröð er Arinbjörn Árnason frá Neðri-Fitjum:

Ljómar snilli lífs á grund
ljósið gyllir voga.
Iðar hylling yst við sund
öll í stilli-loga.

Ása Jónsdóttir f. 1919 á Ásum, systurdóttir Páls í Sauðanesi og Stefáns á Smyrlabergi yrkir um hamingjuna:

Ég veit þú átt heima í heilbrigði manns
hrekklausum vilja og sterkum.
Samt er þín leitað í drykkju og dans,
draumum og myrkraverkum.

Ásgrímur í Ásbrekku kvað:

Þegar halla að hausti fer
heiðin kallar löngum.
Hugurinn allur unir sér
inn til fjalla í göngum.

Um vor á Laxárdal kveður Auðunn Bragi, fæddur í Selhaga 1923:

Ekki er lengi að leysa snjó
Laxárdals úr hlíðum
þegar Suðri sendir nóg
af sunnanvindum þíðum.

Flettum nú sem örast yfir fjölda af góðskáldum, aftur að bókstafurinn I þar sem fjögur húnvetnsk skáld bíða okkar svo við fáum að njóta andagiftar þeirra.

Indíana Albertsdóttir saknar Norðurárdalsins, þar sem nú býr Karólínu í Hvammshlíð, hrossin hans Skarphéðins söngstjóra ganga og strætóleiðin milli Refasveitar og Laxárdals ytra liggur um.

Indíana bjó í 15 ár í Kollugerði og Eyjarkoti en flutti síðan með manni sínum, Stefáni múrara á ættarslóðir hans í Skagafirði. En hún ólst upp í Neðstabæ:

Fjalladalur, fóstri minn,
faðmi barn sitt vefur.
Geislar heitir kyssa kinn
Kári þróttinn gefur.

Ingibjörg Sigfúsdóttir á Refsteinsstöðum f. 1909 er líka dalakona alin upp í Forsæludal:

Þá, sem skinið skærast fá
skaltu úr geislum þínum
Glóey, velja og gefa þá
gamla dalnum mínum.

Ingibjörg Sigurðardóttir er fædd í Króki á Skaga 17. ágúst 1925 eins og Jón Árnason bókavörður, sem fæddist á prestsetrinu Hofi 106 árum áður:

Síðastur skáldaröðinni er Ingvar bóndi á Balaskarði. Hann fór á Hvítárbakkaskóla 1911, nam þar í tvo vetur, bjó síðan á Eldjárnsstöðum 1920-26, Smyrlabergi 1926-27 og á Balaskarði frá 1927:

Bernskuvonir

1. Áður var eg – eins og gengur –
ofurlítill smaladrengur.
Starfi þessi fannst mér fengur;
fjallaloftið – víðsýnið.
Margbreytt sá eg sjónarmið.
Blöstu þá við bernskuaugum
bláleit fjöll í geislalaugum,
en í fjarska úthafið.

3. Ríkur bóndi eg verða vildi.
Væna jörð eg bæta skyldi.
Með tímans kröfum heyja hildi
og heldri bænda fylla bekk.
Í ævintýrum oft svo gekk. –
Bæinn skyldi eg byggja nýjan,
burstaháan, sólskinshlýjan,
eftir fyrri alda smekk.

5. Eins eg þráði að yrkja og skrifa,
– yndislegt þá væri að lifa. –
Á hátind frægðar helst að klifa,
– eg hafði lesið oft um slíkt.
Helst var mér í huga ríkt
að syngja ljóð með svanahljómi
svo að þjóðarlofgerð ómi.
Og það var fleira þessu líkt.

Meiri ljóð og vísur:
Fleiri ljóð Ingvars:  http://bragi.arnastofnun.is/hunafloi/ljod.php?ID=4614
Hér er vísa eftir Rakel, ömmu Skarphéðins söngstjóra og Einar Andrésson afa hennar: https://www.huni.is/index.php?pid=58&cid=13475

Ingi Heiðmar Jónsson

Höf. rzg
 
Prenta Prenta  
 
Til baka
 

©2024 Húnahornið