Fyrri mynd
Nćsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Húnahornið
Open Menu Close Menu
Húnahornið
Fimmtudagur, 13. maí 2021
ANA  1 m/s
3.9°C
Olís
huni.is - RSS-efnisveita
 
Maí 2021
SMÞMFL
2526272829301
2345678
9101112131415
16171819202122
23242526272829
303112345
FyrriNúnaNæsti
Veðurstofa Íslands
Blönduós 23:00 ANA 1  4°C
Þverárfjall 23:00 ASA 4  1°C
Vatnsskarð 23:00 ANA 3  -1°C
Brúsastaðir 23:00 N 2  4°C
Holtavörðuh 23:00 NNA 1  -0°C
Laxárdalshe 23:00 ASA 2  1°C
Reykir í Hr 23:00 N 2  3°C
Reykjavík 23:00 SA 1  4°C
Akureyri - 23:00 VSV 2  2°C
Egilsstaðaf 23:00 SSA 4  -0°C
Vegagerðin
Holtavörðuh. 23:20 NNV 0 -0°C
Laxárdalsh. 23:20 ASA 3 1°C
Vatnsskarð 23:20 ANA 3 -1°C
Þverárfjall 23:20 A 4 1°C
Kjalarnes 23:20 ASA 2 3°C
Hafnarfjall 23:20 S 3 4°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
17. mars 2021
Menning étur stefnu
Í sameiningum er minnsta málið að sameina kerfi, verkferla, húsnæði, tól og tæki, já og stjórnsýslueiningar. En það er ekki eins einfalt að sameina fólk og ólíka menningu.
::Lesa

SSNV

Leita í netfangaskrá
 
Eftir Guðmund Hauk Jakobsson
12. maí 2021
Eftir Jónínu Björgu Magnúsdóttur
10. maí 2021
Eftir Jón Torfason
08. maí 2021
Eftir Inga Heiðmar Jónsson
07. maí 2021
Eftir Dagnýju Rósu Úlfarsdóttur
07. maí 2021
Eftir Guðjón S. Brjánsson
04. maí 2021
Pistlar | 02. maí 2021 - kl. 10:22
Sameining eða ekki í A-Hún.
Eftir Halldór G. Ólafsson

Þann fimmta júní næstkomandi gefst íbúum í Austur Húnavatnssýslu tækifæri til þess að taka afstöðu til hvort sameina beri öll sveitarfélögin í sýslunni í eina stjórnsýslueiningu. Undirbúningsvinna hefur staðið yfir lengi og því mikið magn upplýsinga á www.hunvetningur.is sem kjósendur geta kynnt sér áður en kosning fer fram. Mikilvægt er að gera sér grein fyrir að þau gögn sem lögð hafa verið fram er tilraun til þess að meta núverandi stöðu og draga upp framtíðarsýn um hvernig hlutir gætu hugsanlega orðið í nýju sveitarfélagi. Margt sem sett hefur verið fram hefur ekki verið kostnaðarmetið og verður að skoðast í því ljósi. Ef sameining verður samþykkt verður það í höndum nýrrar sveitarstjórnar að ákveða hvernig rekstri hins nýja sveitarfélags verður háttað innan þess ramma sem ríkisvaldið setur sveitarfélögum í landinu. Ný sveitarstjórn er því á engan hátt bundin af því sem sett hefur verið fram þó svo að flestum þætti eðlilegt að hafa þau gögn til hliðsjónar. Fjárhagur hins nýja sveitarfélags mun þarna hafa afgerandi áhrif.

Eitt sem er mikilvægt að hafa í huga er að öll sveitarfélögin hafa ákveðið að aftengja svokallaða 2/3- 2/3 reglu sveitarstjórnarlaga. Það þýðir í raun að þessar kosningar munu einungis taka á sameiningu allrar A-Hún. Verði kosning felld í einhverju sveitarfélaganna þurfa að eiga sér stað nýjar viðræður milli einstaka sveitarfélaga sem kynnu að vilja sameinast engu að síður. Vinnan sem hefur farið fram nýtist að sjálfsögðu í slíku tilliti og beinast myndi liggja við að hafa aðrar kosningar í tengslum við alþingskosningar nú í haust ef vilji verður til þess .

Ég hef alla tíð verið þeirrar skoðunar að kjarni þessara viðræðna eigi að snúast um atvinnumál með það fyrir augum að fjölga íbúum sýslunnar. Landshlutinn hefur á engan hátt náð að bregðast við breyttum atvinnuháttum í landbúnaði og sjávarútvegi og fátt hefur snúist okkur í hag þó margir áhugaverðir sprotar séu til staðar. Laxeldi er t.d. óheimilt í Húnaflóa og orkunýting á svæðinu hefur ekki skilað nægilega mörgum störfum til að skapa alvöru viðspyrnu. Sameining sveitarfélaga má að sjálfsögðu ekki ýta undir brottflutning af svæðinu. Áform um breytingar á skólastarfi á Húnavöllum og Blönduósi mega ekki leiða til fækkunar starfa í sýslunni. Aðkoma stjórnvalda mun hér skipta höfuðmáli.

Undanfarnar vikur hafa átt sér stað viðræður við alla þingflokka á Alþingi þar sem áherslur landshlutans í atvinnu- samgöngu og byggðamálum hafa verið lagðar fram. Að sjálfsögðu hefur vel ígrunduðum hugmyndum okkar verið vel tekið en enn er ekkert fast í hendi að hálfu ríkisins. Frekari eftirfylgni mun fara fram á næstu vikum.  

Veirufaraldur hefur komið í veg fyrir að hægt hafi verið að halda hefðbundna kynningarfundi í tengslum við sameiningarviðræðurnar. Vonir eru bundnar við að hægt verði að framkvæma slíkt uppúr miðjum maí og í byrjun júní. Hvet ég íbúa sýslunnar að taka virkan þátt í kynningarstarfinu og mynda sér vel ígrundaða skoðun á málinu. Einnig er afar mikilvægt að fólk nýti kosningarétt sinn og mæti á kjörstað þann fimmta júní næstkomandi.

Á kjördegi þarf kjósendum að vera fullkomlega ljóst hvort hugsanleg sameining hafi í för með sér aukna velsæld og að hún færi þeim og byggðarlögunum þar sem þeir búa nýja framtíðasýn til sóknar.

Halldór G. Ólafsson
Oddviti Sveitarfélagsins Skagastrandar

Höf. rzg
 
Prenta Prenta  
 
Til baka
 
Húsfrúin
04. febrúar 2020
Róbinson Krúsó meðferðin
Við getum flest verið sammála um að jákvæð hugsun sé forsenda þess að samþykkja það að jákvæðni auki líkurnar á skilningi og að skilningur sé ein helsta breytan í góðum mannlegum samskiptum.
::Lesa
Spaugið
28. mars 2021
Andalampinn
Jón er á gangi þar sem Kyrrahafið skolar fjörusanda Kaliforníu þegar hann hrasar um gamalt lampahró. Hann tekur lampann upp og stýkur af honum óhreinindin.
::Lesa

©2021 Húnahornið