Síðastliðinn laugardag færði Jóhann Sigurðsson, matreiðslumaður og listmálari, formanni Hollvinasamtakanna málverk að gjöf til minningar um foreldra sína, Guðrúnu Ingimarsdóttur og Sigurð Kr. Jónsson. Málverkið er af gamla bænum á Blönduósi og verður listaverkið sett upp í aðstandendaíbúðinni. Samtökin þakka Jóhanni kærlega fyrir gjöfina, sem mun án efa gleðja þá sem þar eiga eftir að koma.