Fyrri mynd
Nsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Hnahornið
Open Menu Close Menu
Hnahornið
Mánudagur, 15. júlí 2024
   m/s
C
CW
huni.is - RSS-efnisveita
 
Júlí 2024
SMÞMFL
30123456
78910111213
14151617181920
21222324252627
28293031123
FyrriNúnaNæsti
Veðurstofa Íslands Vegagerðin
Holtavörðuh. 07:52 0 0°C
Laxárdalsh. 07:52 0 0°C
Vatnsskarð 07:52 0 0°C
Þverárfjall 07:52 0 0°C
Kjalarnes 07:52 0 0°C
Hafnarfjall 07:52 0 0°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
28. júní 2024
Verum upplýsandi
Ég er sólginn í að lesa alls konar fundargerðir, t.d. frá sveitarstjórnum, nefndum og ráðum. Í þeim má finna margt áhugavert og annað minna áhugavert.
::Lesa
Leita í netfangaskrá
 
Eftir Eyjólf Ármannsson
08. júlí 2024
Eftir Inga Heiðmar Jónsson
03. júlí 2024
77. þáttur. Eftir Jón Torfason
01. júlí 2024
Eftir Inga Heiðmar Jónsson
25. júní 2024
Eftir Inga Heiðmar Jónsson
23. júní 2024
Eftir Inga Heiðmar Jónsson
21. júní 2024
76. þáttur. Eftir Jón Torfason
15. júní 2024
Nöldrið | 13. júní 2021 - kl. 19:48
Allt hefur sinn tíma

Niðurstaða í kosningu um sameiningu sveitarfélaga í Austur-Húnavatnssýslu kom ekki á óvart. Þetta er í annað skipti sem íbúar á Skagaströnd og í Skagabyggð hafna sameiningu sveitarfélaga á svæðinu en það gerðu þeir einnig árið 2005. Heldur fleiri kusu með sameiningu að þessu sinni í sveitarfélögunum tveimur en árið 2005, en niðurstaðan er engu að síður skýr. Þeir vilja ekki þá sameiningu sem í boði var. Hver skyldi vera skýringin á því? Voru það tilfinningar frekar en rök sem réðu ferð? Líklega var það svo, því flest rök mæltu með sameiningu, að hún myndi efla samfélagið og þar með hag og velferð íbúa til framtíðar. Spennandi verður að fylgjast með hvort smærri sameiningar fylgi í kjölfarið á svæðinu, hvort t.d. Blönduósbær og Húnavatnshreppur sameinist og svo kannski Sveitarfélagið Skagaströnd og Skagabyggð. Að lokum munu svo þessi sveitarfélög sameinast í eitt, en allt hefur sinn tíma.

Ánægjulegt er að fylgjast með verkefnum Textílmiðstöðvar Íslands. Eitt af þeim var Ullarþon, nýsköpunar- og hönnunarsamkeppni, þar sem markmiðið var að finna leiðir til að auka verðmæti verðminnstu ullarflokkana með tilliti til hringrásarhagkerfisins. Verkefnið var unnið með Nýsköpunarmiðstöð Íslands og heppnaðist frábærlega eins og lesa má um í fréttum. Þá opnaði Textílmiðstöðin nýverið TextílLab, sem er fyrsta sinnar tegundar hér á landi. Já, stafræn tækni ryður sér til rúms víða og nú er hægt vinna með stafræna vefstóla, prjónavélar, útsaumsvélar og nálaþæfingarvélar. Og þessu tengt þá var gaman að fylgjast með Prjónagleðinni sem haldin var í fimmta sinn helgina 11.-13. júní. Því miður var ekki hægt að halda hátíðina í fyrra út af kórónuveirunni. Hátíðin á bara eftir að vaxa og dafna næstu árin og hún er úrvals tækifæri til að festa Blönduós í sessi sem prjónabæ Íslands.

Fleiri og fleiri eru bólusettir við kórónuveiru fjandanum, sem betur fer. Sóttvarnarlæknir telur líklegt að hjarðónæmi verði náð bráðlega. Nærri 200.000 manns hafa fengið a.m.k. eina bóluefnasprautu og rúmlega 100.000 manns eru fullbólusettir. Rúmlega 90% þeirra sem eru 50 ára og eldri hafa fengið a.m.k. eina bólusetningu en tæplega 50% þeirra sem eru yngri en 50 ára. Fá smit greinast og áfram er létt á samkomutakmörkunum. Ferðamenn eru farnir að koma aftur til landsins og landsmenn farnir að fara til útlanda eins og áður. Samfélagið er hægt og rólega að færast til þess sem eðlilegt getur talist. Allt er sem sagt á réttri leið og því ber að fagna.

Sumarið hefur verið frekar kalt sem af er, en það á auðvitað eftir að breytast. Framundan í júlí eru tvær bæjarhátíðir sem fest sig hafa í sessi; Húnavaka á Blönduósi og Eldur í Húnaþingi vestra. Vonandi heppnast þær vel og verða vel sóttar af heimamönnum, brottfluttum Húnvetningum og öðrum gestum.

Góðar stundir,
Nöldri

Höf. Nöldri
 
Prenta Prenta  
 
Til baka
 

©2024 Húnahornið