Sigríður Helga Sigurðardóttir hefur verið ráðin leikskólastjóri Barnabæjar á Blönduósi og hóf hún störf 1. júní síðastliðin. Sigríður Helga hefur starfað við leikskólann í rúm 20 ár sem deildarstjóri, aðstoðarleikskólastjóri og við sérkennslu. Hún hefur verið starfandi leikskólastjóri frá því síðastliðið haust. Barnabær er fimm deilda skóli með um 70 leikskólabörn frá 8 mánaða aldri. Einkunnarorð leikskólans er leikur-gleði-virðing.