Fyrri mynd
Nćsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Húnahornið
Open Menu Close Menu
Húnahornið
Þriðjudagur, 28. júní 2022
   m/s
C
Olís
huni.is - RSS-efnisveita
 
Júní 2022
SMÞMFL
2930311234
567891011
12131415161718
19202122232425
262728293012
FyrriNúnaNæsti
Veðurstofa Íslands Vegagerðin
Holtavörðuh. 06:00 NNV 6 4°C
Laxárdalsh. 06:00 N 8 5°C
Vatnsskarð 06:00 A 2 5°C
Þverárfjall 06:00 V 1 5°C
Kjalarnes 06:00 ASA 2 10°C
Hafnarfjall 06:00 N 1 9°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
03. apríl 2022
Vorið kemur
"Vorið er komið og grundirnar gróa," segir í texta Jóns Thoroddsen sem fjallar um vorið. Vorið er svo sem ekki alveg komið hér um slóðir en eitt er víst að það kemur. Í maí verður kosið til sveitarstjórna í öllum sveitarfélögum landsins, þar á meðal í sameinuðu sveitarfélagi Blönduósbæjar og Húnavatnshrepps.
::Lesa

SSNV

Leita í netfangaskrá
 
Eftir Gunnar Rögnvaldsson Löngumýri
22. júní 2022
Eftir Inga Heiðmar Jónsson
20. júní 2022
26. þáttur. Eftir Jón Torfason
17. júní 2022
Eftir Eyjólf Ármannsson
15. júní 2022
Eftir Eyjólf Ármannsson
07. júní 2022
25. þáttur. Eftir Jón Torfason
04. júní 2022
Eftir Sigurbjörn Þorkelsson
01. júní 2022
Fréttir | Tilkynningar | 16. maí 2022 - kl. 07:15
Fréttabréf Textílmiðstöðvarinnar
Frá Textílsmiðstöð Íslands

Bráðum er ár liðið frá því að við náðum þeim mikilvæga áfanga að opna TextílLab á Blönduósi, fyrstu stafrænu textílsmiðjuna á Íslandi. Gaman er að segja frá TextílLabinu og því helsta sem er á döfinni hjá okkur!

TextílLab (Þverbraut 1) er opið á miðvikudögum (13:00 - 20:00) og eftir samkomulagi. Á heimasíðu okkar eru góðar upplýsingar um TextílLab. Á undanförnum mánuðum höfum við tekið á móti og kennt nemendum úr grunnskólum, nemendahópum frá Listaháskóla Íslands og Myndlistaskólanum í Reykjavík, kennara og nemendum úr Verkmenntaskólanum á Akureyri (nú síðast þann 6. maí), starfsfólki ferðamáladeildar Háskólans á Hólum og ýmsum frumkvöðlum sem hafa leitað til okkar. Í apríl og byrjun maí voru kenndar 6 þverfaglegar vinnustofur (m.a. um líftextíll, bakteríulitun og CLO-3D hugbúnaðinn) í samvinnu við Shemakes sem er alþjóðleg verkefni styrkt af ESB sem Textílmiðstöðin tekur þátt í, þátttakendum að kostnaðarlausu.

Annað stórt alþjóðleg samstarfsverkefni sem Textílmiðstöðin tekur þátt í er H2020 rannsóknarverkefnið CENTRINNO. Í verkefninu er skoðað hvernig hægt er að nota menningararfinn sem innblástur til nýsköpunar og blása lífi í fyrrum blómleg borgarhverfi og landshluta. Teymið frá Íslandi - Elsa Arnardóttir, Katharina Schneider, Margrét Katrín Guttormsdóttir og sérfræðingar frá Háskóla Íslands - mun mæta á vinnufund sem verður haldinn í Barcelona nú í vikunni. Frekari upplýsingar um CENTRINNO og verkefni á Blönduósi eru á Youtube (CENTRINNO EU) og vefsíðu verkefnisins: www.centrinno.eu. Endilega kíkið á vídeóið okkar!

Ós Textíllistamiðstöð er að rétta úr kútnum eftir covid. Stundum er spurt hvað listamiðstöðvar gera fyrir nærsamfélagið? Svarið er að verðmæti listamiðstöðva er margþætt. Lista- og fræðafólk sem dvelur hjá okkur á Blönduósi (og það sama gildir um listamiðstöðina NES á Skagaströnd) eru einnig ferðamenn sem dvelja á staðnum í lágmark mánuð og nýta sér alla þá þjónustu sem er í boði. Þau koma til okkar og ferðast um svæðið með bílaleigubílum og Strætó. Okkar fólk er tilbúið að kaupa allt íslensk garn og ull sem er í boði, versla í matvörubúðinni og fá til sín ættingja og vini sem bóka gistingu í bænum. Þau nýta sér líkamsræktina og sundlaugina á Blönduósi og borða á kaffihúsum bæjarins. Í bæ með 940 íbúa skiptir þetta miklu máli.

Listafólkið veitir okkur innblástur og tengir okkur sem vinnum í Textílmiðstöðinni við umheiminn. Við fáum til okkar skapandi og reynslumikla sérfræðinga á sviði textíls (fatahönnuði, kennara, líffræðinga, vöruhönnuði …) sem eru ávallt tilbúin að deila þekkingu sinni og reynslu með okkur og nærsamfélaginu. Þau standa fyrir mánaðarlegum sýningum, opnum húsum og hafa haldið fyrirlestra og vinnustofur í grunn-, framhalds- og háskólum okkar. Sterk tengsl myndast við Blönduós, Norðurland vestra og Ísland almennt.

Upplifuninni af dvölinni er gjarnan miðlað á samfélagsmiðlum; Instagram Textílmiðstöðvarinnar hefur nú fleiri en 3500 fylgjendur, sem er mikið auglýsing fyrir svæðið. Jafnframt er árlega gefinn út ársrit með myndum og textum frá listafólkinu, Ós Residency Catalog (má nálgast á netinu), sem er afar áhugavert að skoða.

Framundan er margt:

  • Prjónagleði verður haldinn á Blönduósi þann 10 - 12 júní í umsjón Svanhildar Pálsdóttur. Hægt er að kaupa miða og bóka námskeið í vefverslun Textílmiðstöðvarinnar.
  • Nemendur frá Háskólanum Concordia í Montreal koma í júní í vettvangsnám og munu dvelja allan mánuðinn.
  • Vinnufundur í NORA verkefninu ,,Wool Walks and Workshops” unnið í samstarfi við aðila frá Noregi, Færeyjum, Grændlandi og Skotlandi verður haldinn á Grænlandi í júlí samhlíðar North Atlantic Native Sheep and Wool Conference. Þar verða verkefnið og Textílmiðstöðin einnig kynnt.
  • Textílmiðstöð Íslands er orðin fullgildur kennslustaður hjá Fabricademy og mun kennsla þverfaglegs náms í samstarfi við Textile Academy hefjast á Blönduósi frá og með september 2022.

Á undanförnum mánuðum höfum við gjarnan nýtt okkur rafræna miðla til að streyma viðburðum og fyrirlestrum á okkar vegum eins og ,,Ull, ferðaþjónusta og nýsköpun”, örráðstefnan sem haldinn var þann 20. apríl. Listafólkið hefur verið með ,,yfirtöku” (takeover) á Instagram sem gefur skemmtileg innsýn í daglegt líf í Textíllistamiðstöðinni og munum við halda því áfram.

Endilega skoðið heimasíðuna okkar og samfélagsmiðla til að fylgjast með eða hafið samband ef spurningar vakna!

Starfsfólk Textílmiðstöðvarinnar

Maí 2022

 

Höf. rzg
 
Prenta Prenta  
 
Til baka
 
Húsfrúin
04. apríl 2022
Sjö leiðir til að létta þér þrifin í vor og sumar
Nú er vorið komið og sumarið framundan og þá er ekki úr vegi að koma með nokkur góð húsræða.
::Lesa
Spaugið
04. apríl 2022
Auglýsti eftir giftum karlmönnum
Bjarni setti upp verksmiðju í heimabæ sínum og fór að ráða starfsfólk. Hann auglýsti í staðarvefmiðlinum og tók fram að hann ætlaði bara að ráða gifta karlmenn.
::Lesa

©2022 Húnahornið