Til að auka upplýsingamiðlun ætlar Unnur Valborg Hilmarsdóttir, sveitarstjóri í Húnaþingi vestra, að birta færslur reglulega á heimasíðu sveitarfélagsins þar sem hún fer yfir það sem efst er á baugi hjá sveitarstjóra hverju sinni. „Eðlilega eru sum mál þess eðlis að ekki er hægt að fjalla um þau en áhersla verður lögð á að deila þeim sem hægt er að fjalla um,“ segir Unnur í fyrstu færslu sinni.

Framsetning pistlanna verður breytileg, stundum verður um samfelldan texta að ræða en í einhverjum tilfellum upptalningu á verkefnum og jafnvel í öðrum tilfellum aðeins myndræn framsetning. „Ég mun gera mitt besta í að segja frá sem flestum verkefnum,“ segir Unnur.

Hér má sjá fyrstu dagbókarfærsluna.