Á fimmta tímanum í gær fékk slökkvilið Brunavarna Austur-Húnvetninga tilkynningu frá Neyðarlínunni um að eldur væri laus í bifreið á Þjóðvegi 1 rétt vestan við Blönduós. Fjögurra manna fjölskylda var í bifreiðinni og slapp hún ómeidd frá brunanum. Slökkvistarf gekk vel en bifreiðin er gjörónýt. Þegar búið var að fjarlægja hana sá slökkviliðið um hreinsun á vettvangi.

Sagt er frá þessu á facebooksíðu Brunavarna Austur-Húnvetninga.