Krakkaleikar Hvatar og Vilko voru haldnir í Íþróttamiðstöðinni á Blönduósi á sunnudaginn en þeir voru fyrir krakka á aldrinum 5 til 9 ára. Þetta er í fyrsta sinn sem leikarnir eru haldnir og heppnuðust vel, að því er segir á facebooksíðu frjálsíþróttadeildar Hvatar. Keppt var í 30 metra hlaupi, langstökki án atrennu, skutlukasti, boltakasti og boðhlaupi. Eftir keppnina skoruðu krakkarnir á foreldra sína í reiptog. Að lokum fengu allir viðurkenningarskjal með árangri sínum og verðlaunapening.

Á facebooksíðu frjálsíþróttadeildar Hvatar má sjá myndir frá leikunum.