Minnt er á að síðasti dagur til að skila inn upplýsingum um verk fyrir listsýninguna Heima/Home er 15. ágúst nk. Stefnt er að opnun sýningarinnar laugardaginn 2. september í Hillebrantshúsi, opnunin verður nánar kynnt þegar nær dregur. Jafnt ungir sem aldnir, byrjendur og lengra komnir, eru hvattir til að taka þátt!

Listsýningin Heima/Home - kallað eftir verkum!

Vakin er athygli listafólks á Norðvesturlandi á fyrirhugaðri listsýningu á Blönduósi sem mun bera heitið Heima/Home. Óskað er eftir máluðum/teiknuðum verkum (olía, akrýl, vatnslitir, blönduð tækni, blýantsteikningar). Sýningin er ætluð jafnt áhuga- og atvinnulistamönnum, á öllum aldri. Henni er ætlað að fanga anda hugtakins HEIMA og þess sem það getur táknað; hús, fjölskylda, vinir, tilfinning, ástvinir.

Sumir sem hér búa hafa misst heimili sín, flust búferlum til að hefja nýtt líf, meðan aðrir hafa búið á sama stað kynslóðum saman. Listafólki er frjálst að túlka HEIMA á sinn eigin hátt gegn um verk sín sem þurfa ekki endilega að vera ný heldur aðeins passa inn í þema sýningarinnar.

Fólk á öllum aldri, óháð bakgrunni og uppruna, er hvatt til að taka þátt! Skráningarform til að skila inn verkum þurfa að berast í tölvupósti til breskom@gmail.com fyrir 15. ágúst nk., hvort heldur sem er á íslensku eða ensku.

Skráningarform