Hin margrómaða húnvetnska Slagarasveit heldur útgáfutónleika í Iðnó í Reykjavík á föstudaginn og hefjast þeir klukkan 20:30. Tilefnið er útgáfa fyrstu hljómplötu sveitarinnar. Um er að ræða tólf laga plötu sem ber nafn sveitarinnar. Sólarhring síðar heldur hjómsveitin tónleika í Félagsheimilinu á Hvammstanga. Það verður engu til sparað hjá sveitinni á tónleikunum sem hefur fengið aukalega til liðs við sig fjölda tónlistarmanna.

Slagarasveitina skipa þeir Geir Karlsson, Ragnar Karl Ingason, Skúli Þórðarson, Stefán Ólafsson og Valdimar H. Gunnlaugsson. Fyrir tónleikana fær hljómsveitin aukalega til liðs við sig Aðalstein Grétar Guðmundsson, Aldísi Olgu Jóhannesdóttur, Ástrósu Kristjánsdóttur, Einar Friðgeir Björnsson, Guðmund Hólmar Jónsson, Hjört Gylfa Geirsson og Kristínu Guðmundsdóttur.

Tónleikarnir hefjast klukkan 20:30 bæði kvöldin (föstudagskvöld í Iðnó og laugardagskvöld á Hvammstanga) og er miðaverð 4.000 krónur.

Miðasala fer fram á www.adgangsmidi.is.