Félag eldri borgara í Húnaþingi vestra gefur reglulega út fréttabréf þar sem fjallað er um það helsta sem er á döfinni hjá félaginu. Eitt slíkt er nýútkomið og þar er m.a. sagt frá því að kóræfingar hjá Kór eldir borgara hefjast 29. september. Æft er klukkan 14 til 15:30 í salnum í Nestúni á föstudögum. Stjórnandi og meðleikari eru sem fyrr Ólafur E Rúnarsson og Elínborg Sigurgeirsdóttir. Nýir félagar eru hvattir til að mæta á æfingar.

Fyrirhugað er fjölbreytt námskeiðahald á haustmisseri og hefjast fyrstu námskeiðin í október. Stefnt er að kom á koppinn námskeiðum í málun með vatnslitum, tálgun, trérennismíði, hnýtingum, línudansi og útskurði. Þann 21. október verður Vesturlandsmóti í Boccia haldið á Hvammstanga og er reiknað með að allt að 50 gestir mæti til félagsins í tilefni þess. Eldri borgarar eru hvattir til að mæta á æfingar og taka þátt.

Þá kemur fram í fréttabréfinu að áætlað er að halda haustfund Félags eldri borgara í Húnaþingi vestra þann 25. október. Auk hefðbundinna haustfundarstarfa, svo sem skýrslu ferðanefndar og umræðna um starf félagsins, er fyrirhugað að ræða húsnæðismál eldri borgara í sveitarfélaginu á víðum grunni og bjóða gestum til að taka þátt í þeirri umræðu.

Í fréttabréfinu má svo sjá sameiginlega dagskrá um viðburði á vegum Félags eldri borgara og Húnaþings vestra í september til desember 2023.

Fréttabréfið má lesa hér.