Um 418 þúsund dilkar komu til slátrunar í haust á landinu og er það um 28 þúsund færri dilkar en í fyrra þegar þeir voru 446 þúsund. Flestum dilkum var slátrað hjá Sláturfélagi Suðurlands eða 87 þúsund og næst flestum hjá Sláturfélagi KVH á Hvammstanga eða 79 þúsund. Hjá sláturhúsi SAH Afurða á Blönduósi var tæplega 66 þúsund dilkum slátrað í haust. Meðalfallþungi ársins hjá sláturhúsum landsins var 17,22 kíló sem er rúmum 600 grömmum meira en í fyrra.

Sagt er frá þessu á vef Bændablaðsins. Þar kemur fram að samkvæmt nýjum sláturtölum Matvælastofnunar er samdráttur í kjötframleiðslu um 200 tonn á milli ára. Meðaleinkunn fyrir gerð og vita voru hærri en á undanförnum árum. Einkunn fyrir fitu var að meðaltali 6,62 og fyrir gerð  var einkunnin að meðaltali 9,58.