├×orbj├Ârg, Torfi og Gu├░ni. Mynd: raudikrossinn.is
├×orbj├Ârg, Torfi og Gu├░ni. Mynd: raudikrossinn.is
Fr├ęttir | 11. febrúar 2024 - kl. 21:17
Skyndihjálparmanneskjur ársins verðlaunaðar

Rauði krossinn á Íslandi verðlaunaði í dag skyndihjálparmanneskjur ársins 2023 en það eru mæðginin Þorbjörg Sveinsdóttir og Torfi Ásgeirsson, og nágranni þeirra Guðni Jónsson. Þau björguðu lífi Blönduósingsins Ásgeirs Haukssonar, eiginmanns Þorbjargar og föður Torfa, þegar hann fékk skyndilegt hjartastopp 12. apríl 2023.

„Þau sýndu vel hvernig hægt er að bjarga mannslífi með réttum viðbrögðum og fumlausum leiðbeiningum neyðarvarðar hjá Neyðarlínunni 112. Það er mikilvægt við aðstæður sem þessar að láta óttann ekki taka völdin og bregðast skynsamlega við, hringja í Neyðarlínuna 112 og fara að fyrirmælum margreyndra starfsmanna. Neyðarlínan 112 er alltaf til taks og tilbúin til að hjálpa, veita tilsögn og senda liðsauka. Kunnátta í skyndihjálp og aðgengi að mikilvægum tækjum eins og hjartastuðtækjum margfalda líkurnar á að lífi sé bjargað og öll getum við tileinkað okkur þessa kunnáttu, óháð aldri. Skyndihjálp bjargar lífum,“ segir á vef Rauða krossins.

Enginn aðdragandi var að því sem gerðist. Þorbjörg hringdi á Neyðarlínuna og eftir átta mínútur var sjúkrabíll mættur. Hér má sjá myndband þar sem fjallað er um atvikið, m.a. samtal Þorbjargar við Neyðarlínuna. Rætt er við Þorbjörgu, Torfa og Guðna, og Dóru Ásgeirsdóttur aðstoðarvarðstjóra 112.

Höf. rzg

Húnahornið - Fréttavefur allra Húnvetninga