Fyrri mynd
Nsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Hnahornið
Open Menu Close Menu
Hnahornið
Mánudagur, 17. júní 2024
   m/s
C
CW
huni.is - RSS-efnisveita
 
Júní 2024
SMÞMFL
2627282930311
2345678
9101112131415
16171819202122
23242526272829
30123456
FyrriNúnaNæsti
Veðurstofa Íslands Vegagerðin
Holtavörðuh. 19:56 0 0°C
Laxárdalsh. 19:56 0 0°C
Vatnsskarð 19:56 0 0°C
Þverárfjall 19:56 0 0°C
Kjalarnes 19:56 0 0°C
Hafnarfjall 19:56 0 0°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
13. apríl 2024
Klúðrið er víða
Klúðrið og bullið er víða í samfélaginu okkar og er af mörgu að taka. Ætla ég að nefna aðeins nokkur atriði. Landsbankaklúðrið í kringum kaupin á TM. Alveg er það merkilegt þegar embættis- menn telja sig geta tekið ákvarðanir um hvað sem þeim dettur í hug.
::Lesa
Leita í netfangaskrá
 
76. þáttur. Eftir Jón Torfason
15. júní 2024
Eftir Guðmund Inga Guðbrandsson
15. júní 2024
Eftir Inga Heiðmar Jónsson
13. júní 2024
Eftir Ásgerði Pálsdóttur
09. júní 2024
Eftir Dagnýju Rósu Úlfarsdóttur
05. júní 2024
Eftir Inga Heiðmar Jónsson
03. júní 2024
75. þáttur. Eftir Jón Torfason
20. maí 2024
Veitt í Svartá. Ljósm: AÞ
Veitt í Svartá. Ljósm: AÞ
Fréttir | 16. maí 2024 - kl. 11:05
Veiðifélög í Húnavatnssýslum gera athugasemdir við frumvarp til laga um lagareldi

Veiðifélag Blöndu og Svartár telur að banna þurfi notkun á frjóum laxi í sjókvíaeldi. Erfðablöndun sé langhættulegasta og varanlegasta afleiðing sjókvíaeldis á villta laxastofna. Félagið telur að herða þurfi reglur um strok og að afleiðingar þess þurfi að vera miklar. Þá þurfi að herða reglur um lús þannig að villtum stofnum stafi ekki hætta af. Þetta er á meðal athugasemda sem félagið gerir í umsögn við frumvarp matvælaráðherra til laga um lagareldi sem nú er til meðferðar hjá atvinnuveganefnd.

Í umsögninni eru atburðir síðasta hausts rifjaðir upp þegar eldisfiskar voru fangaðir með háf í laxastiganum í Blöndu. Stiganum var lokað í framhaldinu og eftir nokkra daga var búið að háfa upp 55 eldislaxa. Greining Hafrannsóknarstofnunar leiddi svo í ljós að allir fiskarnir nema einn komu úr kví Arctic Fish í Kvígindisdal í Patreksfirði. Fram kemur í umsögninni að beinn kostnaður við aðgerðir veiðifélagsins hafi numið rúmum 4,5 milljónum króna og sé þá ótalinn kostnaður við skipulagningu og samskipti innan veiðifélagsins, samskipti við stjórnvöld og Landssambands veiðifélaga. Ekki hefur króna fengist til baka, hvorki frá stjórnvöldum né frá Arctic Fish.

„Með því að leyfa sjókvíaeldi í þeirri mynd sem það er stundað í dag er löggjafinn að heimila mengandi iðnað sem á endanum mun leiða til útrýmingar villtra stofna og útrýmingar heillar atvinnugreinar og tekjulindar fyrir landsbyggðina. Slíkt má ekki gerast,“ segir í umsögninni.

Fleiri veiðifélög í Húnavatnssýslum hafa sent inn umsögn um frumvarpið, þar á meðal Veiðifélag Laxár á Ásum, Veiðifélag Miðfirðinga og Veiðifélag Víðidalsár. Þá hafa Samtök sveitarfélaga á Norðurlandi vestra skilað inn umsögn um frumvarpið, sem og Húnaþing vestra.

Umsögn Veiðifélags Laxár á Ásum er nokkuð harðorð en í henni segir m.a. að opið sjókvíaeldi við Íslandsstrendur sé ekkert annað en hryðjuverk sem af muni hljótast óafturkræft og óbætanlegt tjón á náttúrunni. Úr sjókvíaeldinu streymi strokulaxar, margfalt fleiri en villtir laxar sem gangi í íslenskar ár, og planið sé að bæta enn í. Verði ekki gripið í taumana muni þetta ferðalag enda illa fyrir íslenska náttúru og íslenska þjóð. Allt tal um að stöðva verði strok og stunda mótvægisaðgerðir sé marklaust enda hafi það hvergi tekist í heiminum.

Hægt er að lesa umsagnir sem sendar hafa verið atvinnuveganefnd við frumvarp til lagareldis hér.

Höf. rzg
 
Prenta Prenta  
 
Til baka
 

©2024 Húnahornið