Fyrri mynd
Nsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Hnahornið
Open Menu Close Menu
Hnahornið
Mánudagur, 17. júní 2024
   m/s
C
CW
huni.is - RSS-efnisveita
 
Júní 2024
SMÞMFL
2627282930311
2345678
9101112131415
16171819202122
23242526272829
30123456
FyrriNúnaNæsti
Veðurstofa Íslands Vegagerðin
Holtavörðuh. 20:12 0 0°C
Laxárdalsh. 20:12 0 0°C
Vatnsskarð 20:12 0 0°C
Þverárfjall 20:12 0 0°C
Kjalarnes 20:12 0 0°C
Hafnarfjall 20:12 0 0°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
13. apríl 2024
Klúðrið er víða
Klúðrið og bullið er víða í samfélaginu okkar og er af mörgu að taka. Ætla ég að nefna aðeins nokkur atriði. Landsbankaklúðrið í kringum kaupin á TM. Alveg er það merkilegt þegar embættis- menn telja sig geta tekið ákvarðanir um hvað sem þeim dettur í hug.
::Lesa
Leita í netfangaskrá
 
76. þáttur. Eftir Jón Torfason
15. júní 2024
Eftir Guðmund Inga Guðbrandsson
15. júní 2024
Eftir Inga Heiðmar Jónsson
13. júní 2024
Eftir Ásgerði Pálsdóttur
09. júní 2024
Eftir Dagnýju Rósu Úlfarsdóttur
05. júní 2024
Eftir Inga Heiðmar Jónsson
03. júní 2024
75. þáttur. Eftir Jón Torfason
20. maí 2024
Fréttir | 07. júní 2024 - kl. 12:05
Úthlutun úr Lóu - nýsköpunarstyrkir fyrir landsbyggðina

Tilkynnt hefur verið um úthlutanir úr Lóu - nýsköpunarstyrki fyrir landsbyggðina. Í ár hljóta 27 verkefni styrk alls fyrir tæplega 139 milljónir króna og þar af eru sex verkefni á Norðurlandi vestra sem fá samtals um 25 milljónir króna. Nýsköpunarverkefnin sem hljóta styrk að þessu sinni eru jafn fjölbreytt og þau eru mörg og dreifast um landið allt. Styrkjum úr Lóu er ætlað að styðja við eflingu byggða og landshluta með nýskapandi verkefnum, auk þess að hlúa að vistkerfi nýsköpunar á landsbyggðinni.

Alls bárust 89 umsóknir á fjölbreyttum sviðum, frá nýskapandi verkefnum með sjálfbærni og fullnýtingu afurða að leiðarljósi til uppbyggingu innviða fyrir rannsóknir og þróun og innleiðingu nýrra aðferða og verkfæra fyrir nýsköpunarumhverfið.

Meðal verkefna sem hljóta styrk í ár er undirbúningur og frumhönnun ölduorkugarða við Vestmannaeyjar, rannsókn á jarðgerlum og möguleiki á nýtingu þeirra, hönnun á hugbúnaði sem les námsbækur í stærðfræði á sjálfvirkan hátt, þróun á nýrri og hagkvæmri nálgun við verkun á djúpþara og smáforrit sem heldur utan um næringarinntöku með aðgengilegum hætti.

Verkefnin á Norðurlandi vestra sem fengu styrk eru:

  • Elínborg Erla Ásgeirsdóttir: Valhumall, lífræn ræktun og framleiðsla. Verkefnið gengur út á að hagnýta valhumal sem hráefni í lífrænt vottaða matvælaframleiðslu. Styrkur að fjárhæð 3.090.000 krónur.
  • 1238 Baráttan um Ísland: Byggð á Blönduósi. Verkefnið felst í hönnun og þróun á sýndarveruleikaupplifun sem miðlar sögu íbúabyggðar á Blönduósi árið 1900 annars vegar og 1958 hins vegar. Verkefnið er næsta skref í vegferð sem þegar er hafin með gerð stafrænna þrívíddarmódela á byggð á Blönduósi á þessum árum. Styrkur að fjárhæð 6.000.000 krónur.
  • Alor ehf.: Birtuorka bænda. Settur verður upp birtuorkubúnaður á fjórum býlum í því skyni að öðlast reynslu af virkjun og geymslu birtuorku og fá rauntölur framleiðslu á bónda á svæðinu. Kerfin verða sett upp á býlum í mismunandi búrekstri og munu niðurstöðurnar veita dýrmæta innsýn í fýsileika reksturs slíkra kerfa eftir búrekstri. Styrkur að fjárhæð 3.100.000 krónur.
  • Pareto lausnir ehf.: Vasareiknir. Vasareiknir verður notendavænn og sveigjanlegur hugbúnaður hannaður til að hjálpa einstaklingum, aðilum vinnu-markaðarins, stjórnmálafólki og sérfræðingum að meta áhrif skatta- og bótakerfa á ráðstöfunartekjur. Með Vasareikni verður hægt að kanna áhrif breytinga eða nýjunga sem hafa áhrif á ráðstöfunartekjur og taka betri ákvarðanir við kjarasamningaborðið, í þingsal eða við eldhúsborðið. Styrkur að fjárhæð 5.922.000 krónur.
  • Hátæknisetur íslands: Sægarðar á Sauðárkróki. Nýsköpunarverkefnið Sægarðar á Sauðárkróki gengur út á að skipuleggja sérhæfða iðngarða þar sem einstakar aðstæður skapast til stuðnings við nýsköpun fyrirtækja og frumkvöðla á sviði sjálfbærs lagareldis og ræktar. Hjarta garðanna er starfsemi Háskólans á Hólum sem snýr að námi og rann-sóknum á sjálfbæru lagareldi og rækt. Styrkur að fjárhæð 4.140.000 krónur.
  • Textílmiðstöð Íslands: Íslenski textílklasinn - þverfaglegt samstarf um eflingu textílframleiðslu á Íslandi. Með Íslenska textílklasanum er markmiðið að efla textílframleiðslu á Íslandi með auknu samstarfi og nýsköpun. Stefnt er að eflingu verðmætasköpunar sem byggir á hugviti, stafrænni tækni og að leiða saman hefðbundnar aðferðir og nýja tækni með áherslu á hringrásarhagkerfið. Styrkur að fjárhæð 3.000.000 krónur.

Lóa - nýsköpunarstyrkir fyrir landsbyggðina 2024 voru auglýstir 20. febrúar sl. og var umsóknarfrestur til og með 4. apríl. Matsnefnd fór yfir allar umsóknir og gerði í kjölfarið tillögur um styrkveitingu til háskóla-, iðnaðar- og nýsköpunarráðherra. Í matsnefnd Lóu árið 2024 sátu Eva Hrund Einarsdóttir, framkvæmdarstjóri MAk (Menningarfélags Akureyrar), Tryggvi Hjaltason, formaður Hugverkaráðs og Sesselja Vilhjálmsdóttir framkvæmdastjóri Tagplay.

Sjá nánari upplýsingar um önnur verkefni á vef Stjórnarráðsins.

Höf. rzg
 
Prenta Prenta  
 
Til baka
 

©2024 Húnahornið