Óskað var eftir aðstoð björgunarsveitarinnar Húna í Húnaþingi vestra í gærkvöld vegna bíls sem farið hafði út af við Hólmavatn á Arnarvatnsheiði og sat þar kolfastur. Þegar komið var á staðinn kom líka í ljós að kúplingin var farin í bílnum eftir að reynt hafði verið að losa hann. Vel gekk að losa bílinn og var hann keyrður á Hvammstanga fyrir fólkið en um bílaleigubíl var að ræða. Frá þessu er greint á heimasíðu björgunarsveitarinnar.