Fyrri mynd
Nsta mynd
...
Ok
Velkomin vef Hnahornsins. Vi notum vefkkur (e. cookies) til ess a bta upplifun na og greina umfer um suna.
Me v a nota vefsuna samykkir notkun vefkkum og skilmla okkar.
Hnahorni
Open Menu Close Menu
Hnahorni
Miðvikudagur, 26. júní 2019
SSV  8 m/s
13C
Olís
huni.is - RSS-efnisveita
 
dfinni
Jn 2019
SMMFFL
2627282930311
2345678
9101112131415
16171819202122
23242526272829
30123456
FyrriNnaNsti
Veðurstofa Íslands
Blönduós 19:00 SSV 8  13C
Reykir í Hr 20:00 SSV 7  12C
Reykjavík 20:00 SV 4  11C
Akureyri - 20:00 SA 7  16C
Egilsstaðaf 20:00 N 3  14C
Haugur 20:00 S 8  11C
Holtavörðuh 20:00 SV 13  9C
Þverárfjall 20:00 VSV 10  11C
Laxárdalshe 19:00 VSV 8  11C
Brúsastaðir 20:00 SA 3  13C
Vegagerðin
Holtavruh. 20:00 SV 13 9C
Laxrdalsh. 20:00 SV 9 11C
Vatnsskar 20:00 SV 10 12C
verrfjall 20:00 VSV 10 11C
Kjalarnes 20:00 V 2 11C
Hafnarfjall 20:00 S 5 11C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. júní 2019
Af holum og blikkandi ljósum
Fyrir um tveimur mánuðum var grafin stór holta á Melabrautina við gatnamót Holtabrautar. Hún var vel merkt, trúlega eins og reglur gera rá fyrir og girt í kringum hana og þarna er hún enn, opin og óhreyfð, þó sést hafi til bæjarstarfsmanna fara ofan í holuna eitthvað að sýsla, en greinilegt er að þarna á hún að vera eitthvað fram á sumarið, eða um óákveðinn tíma.
::Lesa

Northwest.is


SSNV

Leita netfangaskr
 
Eftir Sigurbjörn Þorkelsson
25. júní 2019
Eftir Jóhönnu E. Pálmadóttur
08. júní 2019
Eftir Elínu S. Sigurðardóttur
18. maí 2019
Eftir Sigurbjörn Þorkelsson
10. maí 2019
Eftir Sigurbjörn Þorkelsson
19. apríl 2019
Eftir Inga Heiðmar Jónsson
19. apríl 2019
Eftir Sigurbjörn Þorkelsson
12. apríl 2019
Eftir Sigurbjörn Þorkelsson
08. apríl 2019
Hsfrin | 20. febrúar 2012 - kl. 22:54
Ég á ungan lestrarhest

Ég á ungan lestrarhest. Ég vildi að ég ætti þrjá lestrarhesta en ég á bara einn, en það er aldrei að vita hvað gerist. Kannski fjölgar þeim. Þá er ég að auðvitað að meina að áhugi þeirra sem ekki eru það breytist, ekki að ég eigi eftir að eignast fleiri... Nóg um það.

Því fylgja svolítil vandkvæði að eiga lestrarhesta sérstaklega þegar kemur að háttatíma. Þá vilja þessar elskur ekki endilega fara að sofa þegar foreldrarnir segja að kominn sé háttatími og tími til að slökkva ljósin. Þá þarf lestrarhesturinn bara smááá stund, ýmist til að klára blaðsíðuna, kaflann eða hreinlega bókina ef þannig stendur á. Þá eru ævintýrin rétt að byrja, eða kannski svo spennandi, krefjandi eða svo ótrúlega, ótrúlega sorgleg að það er bara ekki hægt að hætta.  Sem betur fer þekki ég þessa tilfinningu og get því yfirleitt sýnt biðlund en auðvitað má ekki slaka á reglum um svefn of mikið því þá er næsti skóladagur í hættu. Og það gengur náttúrlega ekki!

Ég var svo heppin að sitja fyrirlestur hjá tveimur frábærum rithöfundum nú nýverið en þær Margrét Örnólfsdóttir og Kristín Helga Gunnarsdóttir heimsóttu skólann minn og töluðu við krakkana. Þær lásu líka uppúr nýjustu bókum sínum og satt að segja get ég varla nokkuð sagt um hvað krökkunum fannst um fyrirlesturinn því ég var sjálf svo heilluð að ég gleymdi algjörlega stund og stað þennan tæpa klukkutíma sem þær töluðu. Þessar stöllur hafa báðar náð þeim frábæra árangri að skrifa fyrir börn og unglinga og náð eyrum þeirra. Það er ekki svo slæmur árangur mitt í umræðunni um minnkandi lestraráhuga barna og unglinga.

Mér fannst held ég allt alveg frábært sem þær Margrét og Kristín Helga sögðu en ein athugasemd varðandi það hvað lestur er frábær situr sérstaklega í mér, enda gæti ég varla verið þeim meira sammála. Þær sögðu eitthvað á þá leið að bækur væru auðveldasti ferðamátinn. Með bók sér við hönd gætum við svo auðveldlega ferðast til annarra landa, kynnst ólíkum menningarsvæðum já og upplifað ótrúlegustu ævintýri og það allt heima hjá okkur. Þetta get ég svo auðveldlega tekið undir en ég á mjög auðvelt með að lifa mig inn í ólíkar aðstæður og svitna af spenningi í æsilegum eltingaleikjum,  græt með söguhetjum á gleði- og sorgarstundum, hlæ upphátt að spaugilegum aðstæðum og fæ gæsahúð þegar eitthvað hræðilegt gerist. Stundum ligg ég andvaka eftir að hafa lesið einhverja snilld, stundum af spenningi, stundum af vanlíðan en þá er hugurinn fastur í söguþræði bókarinnar og erfitt að ná sér niður. Þrátt fyrir nokkrar andvökunætur veit ég fátt notalegra en að liggja uppi í rúmi eða sófa með góða bók og gleyma stað og stund, verst að maður leyfir sér alltof sjaldan að gleyma hinu daglega amstri og húsverkum. Kannski þarf bara að gera eitthvað í því...

Þið sjáið á öllu ofantöldu að ég hef fullan skilning á aðstæðum unga lestrarhestsins míns þegar erfitt er að hlýða kallinu á kvöldin en auðvitað reynir maður að hafa einhverja stjórn á þessari elsku.

Mikil umræða hefur verið undanfarið um minnkandi lestur og lestraráhuga barna og unglinga. Ef ég miða við þá unglinga sem ég kenni þá veit ég það fyrir víst að alltof fáir þeirra lesa bækur af fúsum og frjálsum vilja. Líklega læsu einhverjir þeirra ekki neitt (nema af tölvuskjám) ef ég léti þá ekki gera það. En það er svo merkilegt að þegar þeir láta sig hafa það og lesa bók eða smásögu þá virðist það nú ekki svo slæmt. Næstum undantekningarlaust mæla unglingarnir til dæmis með bókum sem þeir lesa fyrir svokallaðar valbókarkynningar hjá mér!

Ég hef undanfarin sumur lesið einhverjar nokkrar barna- og unglingabækur. Mér finnst þetta nauðsynlegt til að geta mælt með bókum við áhugasama lestrarhesta já, eða reynt að beina þeim frá þeim sem að mínu mati hafa ekki reynst mjög áhugaverðar, því ungir lestrarhestar eru kröfuharðir neytendur, alveg eins og við fullorðna fólkið. Með þessu móti hefur mér líka tekist að fylgjast betur með því sem heillar og rætt er um. Ég nefnilega alltaf að reyna að fjölga lestrarhestunum.

Heima hjá mér held ég áfram að ota bókum að börnunum mínum og lesa á kvöldin um ævintýri á fjarlægum, já og nálægum, stöðum í þeirri von að lestrarhestunum mínum fjölgi.

Góðar (lestrar)-stundir

 

Hf. Hsfrin
 
Prenta Prenta  
 
Til baka
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2019 Hnahorni