Fyrri mynd
Nćsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Húnahornið
Open Menu Close Menu
Húnahornið
Sunnudagur, 7. mars 2021
SA  6 m/s
4.3°C
Olís
huni.is - RSS-efnisveita
 
Mars 2021
SMÞMFL
28123456
78910111213
14151617181920
21222324252627
28293031123
FyrriNúnaNæsti
Veðurstofa Íslands
Blönduós 12:00 SA 6  4°C
Þverárfjall 12:00 SSV 3  2°C
Vatnsskarð 12:00 SSV 2  0°C
Brúsastaðir 12:00 SA 5  5°C
Holtavörðuh 12:00 S 2  -1°C
Laxárdalshe 12:00 SSV 4  2°C
Reykir í Hr 12:00 S 5  3°C
Reykjavík 12:00 NA 1  4°C
Akureyri - 13:00 SA 1  4°C
Egilsstaðaf 12:00 SV 2  2°C
Vegagerðin
Holtavörðuh. 13:50 187.08 -1°C
Laxárdalsh. 13:50 SA 3 3°C
Vatnsskarð 13:50 SSA 3 1°C
Þverárfjall 13:50 SV 2 3°C
Kjalarnes 13:50 ASA 7 6°C
Hafnarfjall 13:50 N 3 4°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. nóvember 2020
Við upphaf vetrar
Þá hefur vetur konungur haldið innreið sína og verið rólegur þessar fyrstu vikur og verður vonandi spakur áfram. Okkur finnst við eiga skilið góðan vetur eftir allar þær hremmingar sem við höfum mátt þola á árinu, eins og veiruskömmina og stórviðri og vetrarhörkur í fyrra.
::Lesa

SSNV

Leita í netfangaskrá
 
Eftir Iðu Marsibil Jónsdóttur
04. mars 2021
Eftir Unni Valborgu Hilmarsdóttur
02. mars 2021
Eftir Gunnar Tryggva Halldórsson
01. mars 2021
Eftir Inga Heiðmar Jónsson
27. febrúar 2021
Frá stjórn Félags sauðfjárbænda í A-Hún.
26. febrúar 2021
Eftir Sigurbjörn Þorkelsson
24. febrúar 2021
Eftir Gunnar Tryggva Halldórsson
20. febrúar 2021
Eftir Sigurbjörn Þorkelsson
15. febrúar 2021
Húsfrúin | 10. apríl 2012 - kl. 11:01
Grænn apríl og umhverfið okkar

Umhverfismál hafa verið þessari húsfrú talsvert hugleikin um nokkurn tíma, eitthvað sem dyggir lesendur líklega vita... Bæði hentar mér vel að flokka heimilisruslið og eins finn ég til ábyrgðar gagnvart umhverfinu og sem ég vil auðvitað að sé aðgengilegt fyrir mig og mína til að njóta um ókomna tíð.

Fjölskyldan hefur stigið nokkur „græn skref“, til dæmis verið með söfnunartunnur í garðinum fyrir lífrænan úrgang, svo kallaða moltugerðarkassa,  og notað afraksturinn í eigin garði sér til ómældrar ánægju. Eins og allir vita, sem reynt hafa, þá er svo góð tilfinning að geta notað eitthvað sem maður bjó sjálfur til og þurfti ekki að kaupa af öðrum. Vissulega var borgað fyrir tunnurnar til að byrja með – en það þurfti bara að gera einu sinni. Í garðinum okkar er s.s. kominn vísir að sjálfbærni, vissulega smár en vísir engu að síður...

Þó svo að enn þurfi að greiða aukalega fyrir endurvinnslutunnuna sem stendur við húsið okkar þá hefur það verið gert og hugsað um leið að sú upphæð fáist endurgreidd með því að geta notið hreins umhverfis í framtíðinni, við höfum þá að minnsta kosti lagt okkar af mörkum á þessu sviði.

Húsfrúin hefur að einhverra mati örugglega verið óþolandi á vinnustað sínum því endalaust er verið að klifa á ýmsum þáttum í flokkun rusls. T.d. að setja pappír í þar til gerð ílát, allt eftir því hvort hann er fullnýttur eða hvort mögulegt sé að nota hann aftur, að börnin brjóti fernurnar sínar saman og setji í rétta tunnu, að við hendum ekki gosflöskum og –dósum því þar liggja krónur – og svo mætti lengi telja. En eins og áður þá er hugsunin sú að þegar til lengri tíma verði litið eigi þetta nöldur eftir að borga sig, því mun haldið áfram á sömu braut.

Apríl 2012 er „Grænn apríl“, líkt og var í fyrsta sinn í apríl í fyrra. Félagið Grænn apríl var stofnað þann 20. janúar 2011 af hópi fólks, sem hefur áhuga á umhverfismálum með það að markmiði að hvetja ríkisstjórnina, sveitarstjórnir, fyrirtæki, félagasamtök og einstaklinga til að vinna saman að því að gera APRÍL að GRÆNUM MÁNUÐI, að kynna vöru, þekkingu og þjónustu sem er græn og umhverfisvæn og styður við sjálfbæra framtíð á Íslandi. Mikið af áhugaverðum fróðleik er á heimasíðu félagsins; www.graennapril.is – vonandi kíkja einhverjir lesendur Húnahornsins á þessa ágætu síðu og sjá hvað það er létt að taka græn skref. Allir geta gert eitthvað og hvert og eitt lítið skref skiptir máli.

Eitt af markmiðum þessarar húsfrúr er að fá sér umhverfisvænni heimilisbíl í stað þess bensínsvelgjandi og -spúandi sem keyrt er um á núna. Metan þykir góður valkostur, og svo rafmagn. Eins og staðan er í dag er draumabíllinn með valkost um tvo orkugjafa, bensín og metan. En það er ekki spennandi kostur að eiga umhverfisvænan bíl og hafa ekki kost á að nýta þann möguleika vegna búsetu.

Væri það ekki spennandi að fá metanstöð og rafmagns-stæði hér á Blönduós, við erum „í leiðinni!“ Þá yrði það raunverulegur valkostur fyrir okkur að gerast umhverfisvænni ökumenn, já og þá sem fjárfest hafa í slíkum bílum að geta nýtt þennan möguleika á ferðalögum sínum um landið. Sjáið þið ekki fyrir ykkur hvað það væri frábært að setja upp rafmagnshleðslustaura t.d. á bílaplanið við Íþróttamiðstöðina svo ferðamenn gætu nýtt tímann á meðan bíllinn þeirra hleður sig til að fara í sund eða góðan göngutúr í Fagrahvammi. Metanstöðinni væri vandalaust að finna stað við þjóðveginn - fyrstur kemur fyrstur fær!

Auðvelt er að nálgast alls kyns fróðleik um kosti metans og fyrir vikið er það enn sárara að eiga þess ekki kost að nýta sér þennan ódýrari og umhverfisvænni orkugjafa á bílana okkar hér úti á landi. Á síðunni www.metan.is fannst til dæmis eftirfarandi klausa:

Metanvæðingin í landinu getur orðið hröð ef okkur ber gæfa til að skapa samtakmátt meðal sveitarfélaga, fyrirtækja, almennings og hins opinbera um stefnumiðuð orkukerfisskipta í samgöngum þar sem við nýtum þau tækifæri sem við eigum til að stórauka notkun og framleiðslu á nútíma-metani.

Hér með skorar Húsfrúin á sveitarfélagið sitt, Blönduós, að hvetja, til dæmis á N1 sem er með bensínafgreiðslu á staðnum, til að skoða vandlega þann kost að setja hér upp metanafgreiðslu. Húsfrúin er ekki í nokkrum vafa um að það muni borga sig margfalt í framtíðinni. Nú dugar ekki lengur að horfa aðeins fram fyrir nefið á sér!

Vonandi verðið þið græn í apríl, sem og alla aðra mánuði.

Lifið heil,

Húsfrúin

Höf. mbb
 
Prenta Prenta  
 
Til baka
 
Húsfrúin
04. febrúar 2020
Róbinson Krúsó meðferðin
Við getum flest verið sammála um að jákvæð hugsun sé forsenda þess að samþykkja það að jákvæðni auki líkurnar á skilningi og að skilningur sé ein helsta breytan í góðum mannlegum samskiptum.
::Lesa
Spaugið
04. febrúar 2020
Sherlock og Watson
Sherlock Holmes og Dr. Watson fóru í útilegu. Eftir að hafa gætt sér á góðum mat og drukkið flösku af víni, bjuggu þeir um sig og fóru að sofa.
::Lesa

©2021 Húnahornið