� ráði er að skipa nefnd til að fara yfir lög og hlutverk sveitarfélaga og ríkisins við ákvarðanir um lagningu vega þar sem ágreiningur er á milli Vegagerðarinnar og sveitarfélaga. Tilefni skipun nefndarinnar er sögð vera sú ákvörðun innanríkisráðherra að Vegagerðin hætti að vinna að hugmyndum um Húnavallaleið.

Það er Mbl.is sem segir frá þessu. Þar segir að tilefni skipunar nefndarinnar sé, samkvæmt upplýsingum Ögmundar Jónassonar innanríkisráðherra, umræða sem hafi orðið um þá ákvörðun ráðherrans að Vegagerðin hætti að vinna að hugmyndum um styttingu hringvegarins í Austur-Húnavatnssýslu og Skagafirði.

Ögmundur telur umræðuna gefa tilefni til að velta fyrir sér endurskoðun skipulagslaga og vegalaga og veltir því fyrir sér hvort bræða þurfi saman vinnu þeirra tveggja sjálfstæðu stjórnsýslustiga sem vinna að þessum málum.