Við Hofskirkju. Ljósmynd: “lafur Sigurjónsson
Við Hofskirkju. Ljósmynd: “lafur Sigurjónsson
Sr. Bryndís Valbjarnardóttir messar. Ljósmynd: “lafur Sigurjónsson
Sr. Bryndís Valbjarnardóttir messar. Ljósmynd: “lafur Sigurjónsson
Sagnfræðingurinn og organistinn Ingi Heiðmar Jónsson.
Sagnfræðingurinn og organistinn Ingi Heiðmar Jónsson.
Pistlar | 01. september 2016 - kl. 12:07
Messupistill “ Guðsþjónusta í Hofskirkju á Skaga
Eftir Inga Heiðmar Jónsson

Til Hofskirkju á Skaga kom margt gesta s. l. sunnudag, þann 28. ágúst. Þar var messað kl. 14 og síðan drukkið messukaffi í Skagabúð. Þjóðsagnasafnarinn ötuli, Jón Árnason hafði verið settur í kastljós, hann fæddist þar á staðnum fyrir 197 árum, þann 17. ágúst 1819 og starfi hans og ævi voru gerð nokkur skil, bæði af sóknarprestinum, sr. Bryndísi Valbjarnardóttur og Inga Heiðmari Jónssyni sagnfræðingi sem einnig var organisti við messuna.

Tvær stuttar örstuttar þjóðsögur voru sagðar og í lok messu sungu kirkjugestirnir ljóð Margrétar Jónsdóttur við lag Magnúsar Þórs Sigmundssonar, Ísland er land þitt.

Fyrir messu léku þrír organistar á orgel kirkjunnar, þeir Glúmur Gylfason og Ólafur Sigurjónsson komu sunnan úr Flóa. Sigrún Grímsdóttir í Saurbæ var þriðji organistinn og hefur spilað lengi við 5 kirkjur í héraðinu, en þó lengst í heimakirkjum sínum, Þingeyraklausturs- og Undirfellskirkjum.

Hofskirkja er elsta kirkjan við Húnaflóa og Jón Þórðarson prófastur á Auðkúlu og bróðursonur Jóns Árnasonar, tók það snjallræði þegar prestlaust var á Hofi 1868-1870 að fá þangað kirkjusmið og bjóða honum afnot af jörðinni þessi sömu ár. Þetta gekk svo vel eftir að Hofskirkja var vígð fyrsta sunnudag í níuviknaföstu 1870. Að vísu var þá eftir að ljúka innansmíðinni og var Stefán snikkari Jónsson frá Kagaðarhóli fengin til þess 13 árum síðar. Kirkjan hefur síðan fengið gott viðhald, var komin á þjóðminjaskrá 1988 þegar ákveðið var að ráðast í gagngerar endurbætur.

Kirkjuorgelið var áður í gömlu Hólaneskirkju og er gjöf til  Hofskirkju frá Kristjáni Hjartarsyni fyrrum organista á Skagaströnd. Þessi kirkja er því orðin fornt hús og söfnuðurinn samheldinn, bæði í því að sinna guðshúsinu og sækja þangað helgar tíðir. Burtflutt sóknarbörn hafa líka gjarna leitað heim í kirkjuna sína til að láta skíra börn sín eða gifta sig.

Og þennan bjarta sunnudag nutu vegfarendur um Skaga bláma flóans, útsýnis norður með glæsilegum Strandagnúpum og norður til Drangajökuls.Skyggnið var frábært og sóknarmenn fjölmenntu til kirkju sinnar og áttu þar góða stund.

Húnaflói/vísnavefur sem varð rúmlega 2 ára gamall í ágúst lagði nokkuð af mörkum til að undirbúa þessa guðsþjónustu og kynnti starf sitt í leiðinni.

Vísað er til:
Húnaflóa – Kvæða og vísnasafn: http://bragi.info/hunafloi/
Vísa Jónmundar Halldórssonar: http://bragi.info/hunafloi/visur.php?VID=27373
Halldóra segir frá Jóni frænda: http://stikill.123.is/blog/yearmonth/2014/12/

Ingi Heiðmar Jónsson

Höf. rzg

Húnahornið - Fréttavefur allra Húnvetninga