Fyrri mynd
Nćsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Húnahornið
Open Menu Close Menu
Húnahornið
Fimmtudagur, 9. júlí 2020
NNV  2 m/s
10°C
Olís
huni.is - RSS-efnisveita
 
Júlí 2020
SMÞMFL
2829301234
567891011
12131415161718
19202122232425
2627282930311
FyrriNúnaNæsti
Veðurstofa Íslands
Blönduós 13:00 NNV 2  10°C
Þverárfjall 13:00 VNV 4  7°C
Vatnsskarð 13:00 VNV 5  6°C
Brúsastaðir 13:00 NNV 3  10°C
Haugur 13:00 NNV 3  9°C
Holtavörðuh 13:00 NNV 3  7°C
Laxárdalshe 13:00 NNV 2  9°C
Reykir í Hr 13:00 N 2  11°C
Reykjavík 13:00 NV 4  12°C
Akureyri - 13:00 N 7  10°C
Egilsstaðaf 13:00 NV 8  11°C
Vegagerðin
Holtavörðuh. 13:40 N 4 8°C
Laxárdalsh. 13:40 ANA 3 9°C
Vatnsskarð 13:40 VNV 5 7°C
Þverárfjall 13:40 NV 2 7°C
Kjalarnes 13:40 VNV 6 12°C
Hafnarfjall 13:40 NNV 5 12°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
21. júní 2020
Menningin nærir, huggar og kætir
Mikið dáist ég að nágrönnum okkar í Húnaþingi vestra. Nú er nýjasta afrek þeirra í menningarmálum uppbygging á hljóðveri og hugsanlega kvikmyndaveri í hótelinu á Laugarbakka.
::Lesa

SSNV

Leita í netfangaskrá
 
Eftir Sigurbjörn Þorkelsson
08. júlí 2020
Eftir Guðjón S. Brjánsson
01. júlí 2020
Eftir Sigurbjörn Þorkelsson
30. júní 2020
Eftir Inga Heiðmar Jónsson
29. júní 2020
Eftir Sigurbjörn Þorkelsson
19. júní 2020
Eftir Sigurbjörn Þorkelsson
04. júní 2020
Eftir Sigurbjörn Þorkelsson
20. maí 2020
Eftir Inga Heiðmar Jónsson
13. maí 2020
N 65° 39' 32.04" V 20° 16' 55.2"
Séð út Blöndudal. Ljósm: Ólína Friðriksdóttir.
Séð út Blöndudal. Ljósm: Ólína Friðriksdóttir.
Pistlar | 20. febrúar 2018 - kl. 09:21
Stökuspjall: Kærleiksgaldri beittu!

Rúna er ekki bara hestamannabók eða Húnvetninga, heldur er hún mikil Íslendingabók. Sigmundur Ernir heldur um penna með þessum snjalla hestamanni. Þetta er bók fyrir sælkera  – á móðurmálið.

Skoðum eina lýsinguna, upphafið að Blönduósferð Júlíusar bónda, afans á Mosfelli. Rúna lýsir:

„Guðrún amma af Ströndum norður sendi alltaf út viðvörun þegar afi ætlaði að aka alla leið í kaupstaðinn. Þá  steig hún föstum sóla út á hlaðvarpann og tæmdi bæjarhlaðið í einni svipan. Fáar æskuminningar eru mér raunar eftirminnilegri, en þá vaggaði sú gamla um eins og gæsamamma og skipaði ungviðinu burt, þvílík hætta væri á ferðum að ekki mætti taka nokkra áhættu á meðan Willysinn yfirgæfi svæðið.

Svo snaraðist kempan aldna upp í jeppann með marautt planið fyrir framan sig og prumpaði jálkinum af stað í öllum þeim rykkjum og hnykkjum sem áttu við verklagið. Og eftir það ók hann eftir miðjum veginum, eins og til eigin öryggis og vék aldrei fyrir þeim sem á móti komu, svo þeir urðu ýmist að stöðva eða bremsa í botn á meðan hans hátign af Mosfelli fór um héraðið, heyrnarlítill og hamingjan uppmáluð."

Bókin Rúna kom út 2017, sögukonan, Rúna frá Mosfelli, flutt heim eftir Þýskalandsdvöl, hjúskap og marga sigra á skeiðvellinum.

Hugum nú að hestavísum:

Á hausti fölnar fegurst rós
flýr öll prýði úr högum.
Nú er fallinn Leiri ljós
ljósum fækkar dögum.

Birna Jónsdóttir, ættmóðir Fagranesmanna á Reykjaströnd, orti vísuna þegar reiðhestur hennar og uppáhaldsgæðingur var felldur.

Páll frá Holti á Ásum kvað:

Hratt fram rýkur hestur sá
harmur víkur ærinn.
Hattur fýkur höfði frá
hárið strýkur blærinn.
Jakob á Skúfi yrkir:
Blakkur undan fákafans
fljótt sem tundur svífur.
Veinar grund við hófför hans
holtin sundur rífur. 

Ljúkum hestastökum með vísu Guðríðar frá Austurhlíð, sem situr allroskin norður á Sauðárkróki og vinnur enn að nýjum myndum með nál sinni og listamannshuga.

Hvekktu hann aldrei. Kembdu´ hann milt.
Kærleiksgaldri beittu.
Sé hann baldinn, blítt og stillt
boðs og valda neyttu.

Einn af öndvegisrithöfundum okkar flytur í Vatnsdalinn vestan frá Melum. Það var 1883. Ingunn á Kornsá fór að skrá minningar í ellinni, góðu heilli. Hún hefur þann formála að hún dugi lítt til að gera bændavísur eins og sumir gátu en rita kann hún. Það sér lesandinn fljótt. Maður Ingunnar, Björn Sigfússon var einn Blöndælanna, dóttursonur Björns sýslumanns í Hvammi og öflugasti baráttumaður fyrir Kvennaskóla Húnvetninga sem byrjaði menningu sína á Undirfelli við umsjón sr. Hjörleifs Einarssonar.

Ingunn skrifar að Eyjólfsstaðahjón „hefðu sýnt mikið þrek og stillingu, er þau urðu fyrir þeirri þungu sorg, að missa Sigurð, einkason sinn, á sviplegan hátt, er hann var á leið til háskólans í Kaupmannahöfn. Var hann hið besta mannval, fríður, gáfaður og gervilegur, hvers manns hugljúfi, er honum kynntist, og augasteinn foreldra sinna. Ekki munu margir hafa heyrt til þeirra æðruorð og létu þau þó stórum á sjá á skömmum tíma. Bróðurson Jónasar, Sigurð Nordal prófessor, ólu þau upp. Bætti hann þeim mikið sonarmissinn, enda voru þeir frændur taldir líkir um margt. Þó mun það sár aldrei að fullu hafa gróið."

Í Föðurtúnum, riti Páls Kolka, er mynd á bls. 272 úr baðstofunni á Eyjólfsstöðum þar sem drengurinn Sigurður Nordal situr við lestur.

Tilvísanir:
Júlíus á Mosfelli: http://bragi.info/hunafloi/hofundur.php?U=j0&ID=16036&ut=1
Hinn afinn, Höskuldur frá Vatnshorni: http://bragi.info/hunafloi/hofundur.php?U=h0&ID=15314&ut=1
Hestavísur: http://bragi.info/hunafloi/visur.php?ID=3&ut=1
Vatnsdælingar fyrir 1880: http://stikill.123.is/blog/2015/07/14/733214/

Ingi Heiðmar Jónsson

Höf. rzg
 
Prenta Prenta  
 
Til baka
 
Húsfrúin
04. febrúar 2020
Róbinson Krúsó meðferðin
Við getum flest verið sammála um að jákvæð hugsun sé forsenda þess að samþykkja það að jákvæðni auki líkurnar á skilningi og að skilningur sé ein helsta breytan í góðum mannlegum samskiptum.
::Lesa
Spaugið
04. febrúar 2020
Sherlock og Watson
Sherlock Holmes og Dr. Watson fóru í útilegu. Eftir að hafa gætt sér á góðum mat og drukkið flösku af víni, bjuggu þeir um sig og fóru að sofa.
::Lesa

©2020 Húnahornið