Fyrri mynd
Nćsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Húnahornið
Open Menu Close Menu
Húnahornið
Þriðjudagur, 19. janúar 2021
NNA  11 m/s
C
Olís
huni.is - RSS-efnisveita
 
Janúar 2021
SMÞMFL
272829303112
3456789
10111213141516
17181920212223
24252627282930
31123456
FyrriNúnaNæsti
Veðurstofa Íslands
Blönduós 12:00 NNA 11  0°C
Þverárfjall 12:00 NA 18 -3°C
Vatnsskarð 12:00 N 14  -3°C
Brúsastaðir 12:00 NNV 7  0°C
Holtavörðuh 12:00 N 12  -3°C
Laxárdalshe 12:00 NNA 17 -2°C
Reykir í Hr 12:00 N 12  -0°C
Reykjavík 12:00 NNA 8  1°C
Akureyri - 12:00 N 7  2°C
Egilsstaðaf 11:00 N 7  1°C
Vegagerðin
Holtavörðuh. 12:40 N 12 -3°C
Laxárdalsh. 12:40 NNA18 -2°C
Vatnsskarð 12:40 N 15 -3°C
Þverárfjall 12:40 NNA18 -3°C
Kjalarnes 12:40 NNA19 0°C
Hafnarfjall 12:40 NA 15 0°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. nóvember 2020
Við upphaf vetrar
Þá hefur vetur konungur haldið innreið sína og verið rólegur þessar fyrstu vikur og verður vonandi spakur áfram. Okkur finnst við eiga skilið góðan vetur eftir allar þær hremmingar sem við höfum mátt þola á árinu, eins og veiruskömmina og stórviðri og vetrarhörkur í fyrra.
::Lesa

SSNV

Leita í netfangaskrá
 
Eftir Sigurbjörn Þorkelsson
14. janúar 2021
Eftir Friðrik Á. Brekkan
13. janúar 2021
Eftir Friðrik Á Brekkan
07. janúar 2021
Eftir Ólaf Bernódusson
07. janúar 2021
Eftir Inga Heiðmar Jónsson
04. janúar 2021
Eftir Friðrik Á Brekkan
01. janúar 2021
Eftir Inga Heiðmar Jónsson
30. desember 2020
Eftir Sigurbjörn Þorkelsson
21. desember 2020
N 65° 39' 32.04" V 20° 16' 55.2"
Fréttir | Pistlar | 18. desember 2020 - kl. 10:27
Jólakveðjur frá Textílmiðstöðinni

Nú þegar landsmenn prýða heimili sín, gjarnan með útsaumuðum jóladúkum fögnum við í Textílmiðstöðinni meðbyrnum sem okkar áherslur á textílinn hafa hlotið.

Árið 2020 er búið að vera erfitt ár fyrir okkur öll, en við hjá Textílmiðstöðinni erum að reyna að gera það besta úr aðstæðunum og halda okkur striki. 

Vel hefur fiskast í hinum ýmsu sjóðum og hefur starfsemin aflað á annað hundrað milljónir í ýmis verkefni. Það stærsta er „CENTRINNO”, sem er samstarfsverkefni 26 aðila í níu Evrópuborgum, Amsterdam, Barcelona, Blönduós, Genf, Kaupmannahöfn, Mílanó, Paris, Tallinn og Zagreb. Í flokkun á borgunum var búinn til sérflokkur fyrir okkur: XS. 

Verkefnið snýst um að nota menningararfinn sem innblástur til nýsköpunar. Á Íslandi er stefnt að uppbyggingu TextílLabs á Blönduósi, sem er það fyrsta hér á landi. Þar geta allir sem hafa áhuga fengið aðgang, lært á og unnið með ný stafræn tæki og tól:  heimamenn sem aðrir, bæði innlendir og erlendir nemendur, grunnskólanemendur á svæðinu, hönnuðir og sérfræðingar. Sérstök áhersla er lögð á ull og umhverfisvæna nýtingu hennar. Í því samhengi fengum við einnig styrk frá Innviðasjóði Rannís, sem ætlaður er til uppbyggingar innviða til rannsókna á textíl. Nú þegar höfum við fest kaup á nýjum stafrænum vefstól, nálaþæfingarvél, stafrænni prjónavél, laserskera, stafrænni útsaumsvél og vínylskera. 

Gaman er að segja frá að þrátt fyrir Covid þá hafa nokkrir listamenn lagt á sig erfið ferðalög, sóttkví í Reykjavík, tvöfalda sýnatöku og óvissu með heimkomu til þess að vera í Textíllistamiðstöðinni. Nemendur frá Professionsskole í Kaupmannahöfn, Listaháskóla Íslands og einstaklingar í Textílfélaginu komu í námsdvöl eða sóttu námskeið hjá okkur. Tæpl. 2000 manns eru nú að fylgjast með Textíllistamiðstöðinni á Instagram, alls staðar frá úr heiminum. 

Námsver er á sínum stað í Kvennaskólanum, en prófahald á þessu ári var í lágmarki sökum COVID-19 (í venjulegu árferði eru haldin yfir 100 próf á ári.) Okkur finnst mikilvægt að halda áfram að bjóða upp á þessa þjónustu og hafa hana nemendum að kostnaðarlausu.

Fastir starfsmenn Textílmiðstöðvarinnar eru ekki margir, alls þrír (Elsa Arnardóttir forstöðumaður, Katharina Schneider og Jóhanna Erla Pálmadóttir verkefnastjórar). Með okkur starfa einnig verkefnaráðnir starfsmenn, Ragnheiður Björk Þórsdóttir og Guðbjörg Þóra Stefánsdóttir sem unnu rannsókn um vefnað sem lauk í september. Svanhildur Pálsdóttir var ráðin markaðsstjóri Prjónagleðinnar í haust og er búin að kynna fyrir okkur fullt af góðum hugmyndum. Stefnt er á að halda Prjónagleði - Iceland Knit Fest,  9. - 13. júní 2021. 

Á heimasíðu Textílmiðstöðvarinnar, www.textilmidstod.is, má svo finna upplýsingar um fleiri verkefni, stór og smá, sem við erum að vinna eða lukum á árinu. 

Við viljum einnig nýta tækifæri og þakka öllum sem hafa lagt okkur lið við uppbygginguna hér á Blönduósi. Við vitum hvað tækifærin eru mörg (og fjöreggin eru ekki bara eitt!) og erum ávallt tilbúin í samstarf. Ef ykkur dettur skemmtilegt samstarfsverkefni í hug, ekki hika við að hafa samband!

Við óskum öllum heimamönnum, samstarfsaðilum og vinum gleðilegra jóla og farsældar á komandi ári,

Starfsmenn Textílmiðstöðvarinnar

Myndir: Kvennaskólinn á Blönduósi; Blár jóladúkur úr safni Heimilisiðnaðarsafnsins; Vefnaðarmunstur af átta blaða rósinni eftir Solveigu Arnórsdóttur úr gagnasafni Textílmiðstöðvarinnar.

 

Höf. rzg
 
Prenta Prenta  
 
Til baka
 

©2021 Húnahornið